اتىراۋ وبلىسى ءىىد باسشىسى ايان دۇيسەمبايەۆتىڭ باسى داۋعا قالۋى مۇمكىن دەپ جازادى Qamshy.kz اقپارات اگەنتتىگى. اتىراۋ وبلىسى ءىىد باسشىسىنىڭ 1 200 000 دوللارىنان 3 ساعاتتا ايىرىلعان ۆيدەوسى الەۋمەتتىك جەلىدە قىزۋ تالقىعا ءتۇستى. بۇل ۆيدەو 2014 جىلى تۇسىرىلگەن. الايدا كازينوداعى ايان دۇيسەمبايەۆ ەكەنى تۋرالى ناقتى اقپارات جوق. 2014 جىلى ايان دۇيسەمبايەۆ اتىراۋ وبلىستىق ءىىد باسشىسىنىڭ ءبىرىنشى ورىنباسارى قىزمەتىن اتقارعان. بۇل تۋرالى ۆيدەونى باقىتجان كوپبايەۆ پەن تانىمال زاڭگەر ايگۇل ورىنبەك فەيسبۋك جەلىسىنە جاريالادى. ولاردىڭ ايتۋىنشا بۇل جايت مينسك قالاسىندا بولعان.

بۇل جايت بويىنشا Qamshy.kz اقپارات اگەنتتىگىنىڭ ءتىلشىسى اتىراۋ وبلىستىق ءىىد سايتىندا كورسەتىلگەن بايلانىس تەلەفوندارىنا حابارلاستى. الايدا بىردەن جاۋاپ الا المادىق. اتىراۋ وبلىسى ءىىد باستىعىنىڭ ءبىرىنشى ورىنباسارى قامزا باقتىعالي ۇلىنىڭ حاتشىسىنان ايان دۇيسەمبايەۆتىڭ ەڭبەك دەمالىسىندا ەكەنىن بىلدىك. كەيىن اتىراۋ وبلىسى ءىىد-نىڭ باسپا ءسوز حاتشىسىنىڭ كومەكشىسى باقىتگۇل سامەكوۆا باسپا ءسوز حاتشىسىنىڭ ەڭبەك دەمالىسىنا كەتكەندىگىن العا تارتىپ، بۇل تۋرالى ەشقانداي اقپارات بەرە المايتىنىن ايتتى. 

اتىراۋ وبلىسى ءىىد قىزمەتكەرلەرىنىڭ بارلىعى بىردەي ەڭبەك دەمالىسىنا كەتكەن سىڭايلى. سەبەبى رەسمي سايتتا كورسەتىلگەن بارلىق تەلەفون نومىرلەردىڭ ءبىرى ءسوندىرۋلى بولسا، ەندى ءبىرى قوڭىراۋعا جاۋاپ بەرمەيدى. 

ال ق ر ءىىم باسپا ءسوز حاتشىسى بۇل ۆيدەونى كورمەگەندىگىن، سول سەبەپتى ەشقانداي پىكىر بىلدىرە المايتىنىن ايتتى. Qamshy.kz اقپارات اگەنتتىگى ق ر ءىىم رەسمي حات جولدادى، بۇل وقيعانى نازاردا ۇستايدى.