قازاقستاندىق ارالاس جەكپە-جەك (مما) فايتەرى قۋات "نايمان" حاميتوۆ يندونەزيادا ءوتىپ جاتقان ازيا ويىندارىن كورسەتپەگەن قازاقستاندىق ارنالاردى سىنعا الدى. قۋات حاميتوۆ ينستاگرام پاراقشاسىندا وتاندىق سپورتشىلار ەل نامىسىن قورعاۋ ءۇشىن بارىن سالىپ جاتقاندا سپورتشىلارىمىزدىڭ ونەرىن تاماشالاي الماي وتىرعانىنا قىنجىلدى.
«يندونەزيادا ازيا ويىندارى ءوتىپ جاتىر. ءوز جىگىتتەرىمىز بەن قىزدارىمىزدىڭ ونەرىن كورىپ، ولارعا جانكۇيەر بولا الماي وتىرمىز. ءبىزدىڭ سپورتشىلار ەلدىڭ نامىسىن قورعاۋ ءۇشىن تىرىسىپ باعۋدا. ال ءبىزدىڭ ەل ونى تىكەلەي ەفيردە كورسەتە الماي وتىر! الەمدىك دەڭگەيدەگى تۋرنيرلەردى كورسەتە الماساق «Qazsport» پەن باسقا ارنالاردىڭ قاجەتى قانشا؟ جوق، ولار ەشكىم كورمەيتىن 45ء-شى جىلعى فۋتبولدى كورسەتەدى. وزبەك اعايىنداردان ۇلگى الىڭىزدار. ازيا ويىندارىن تىكەلەي ەفيردە كورسەتۋ ارقىلى كوپتەگەن بالانى سپورتقا قىزىقتىرا الۋشى ەدىك. ونىڭ ۇستىنە بالالار ءقازىر دەمالىستا. ءبىزدىڭ ەلدە بارلىعى كەرىسىنشە جاسالادى!» دەپ جازدى قۋات حاميت.
ەستەرىڭىزگە سالا كەتەيىك، قازاقستاندىق ارنالار ازيا ترانسلياسيالاۋ قۇقىعىن الا الماعان.
