«وزگە مەملەكەتتەرگە قاراعاندا، ءوز ەلىمىزدە دەمالۋ الدەقايدا جاقسى، ءتيىمدى». مۇنداي پىكىردى اتىراۋ وبلىسىنىڭ الەۋمەتتىك-ەكونوميكالىق دامۋى ماسەلەلەرى جونىندەگى وتىرىسىندا مەملەكەت باسشىسى نۇرسۇلتان نازاربايەۆ ايتتى. ەلباسىنىڭ سويلەگەن سوزىنەن ءۇزىندىنى كتك ارناسىنىڭ جاڭالىقتار ءبولىمى كورسەتتى.

«مەن الەمنىڭ تۇكپىر-تۇكپىرىن ارالادىم. مەملەكەتتەر مەن ەلدەردىڭ 251 باسشىلارىمەن كەزدەستىم. ەندى، ولار وزگەردى، ال مەن قالدىم، سول سەبەپتى سانى وسىنداي كوپ. سودان وسىنداي قورىتىندىعا كەلدىم، وزگە جەردەن گورى ءوز ەلىمىزدە دەمالعان جاكسى»، - دەي كەلە پرەزيدەنت اقتاۋداعى كاسپيي تەڭىزىن مىسالعا الدى.

«بىزگە ءتيىپ تۇرعان اقتاۋدى الىپ قارالىق. ءبىر كەزدەرى رەسەي پرەزيدەنتى ۆلاديمير پۋتين تەڭىزگە باردى. سوندا بىلاي دەگەن ەدى: «تىڭداشى، مۇنداي تازا، تۇنىق سۋدى كورگەن ەمەسپىن»، - دەپ مەملەكەت باسشىسى ەستەلىكتەرىمەن ءبولىستى.

تاعى ءبىر ايتا كەتەرلىگى، سول كۇنگى كەزدەسۋدە نازاربايەۆ «ۇنەمى ۇيقىدا جۇرەتىن» مەملەكەتتىك قىزمەتكەرلەردى دە سىنعا العان. «ءبىر بولىمدە 15 ادام قىزمەت اتقارادى، تەرلەپ-تەپشىپ جۇمىس ىستەيتىنى ۇشەۋ عانا»، - دەپ اسىرەسە قۇقىق قورعاۋ ورگاندارىنىڭ جۇمىسىنا كوڭىلى تولمايتىنىن جەتكىزدى. بۇعا قوسا «پوليسيا قىزمەتكەرلەرىن تۇگەلدەي جۇمىستان بوساتىپ، زاڭگەرلەردى شاقىرعان» گرۋزيانى مىسال ەتتى.