ايدوس سارىمنىڭ قوعامدىق دامۋ ءمينيسترىنىڭ شتاتتان تىس كەڭەسشىسى بولىپ تاعايىندالۋىنا بايلانىستى ءامىرجان قوسانوۆ پىكىر ءبىلدىردى دەپ حابارلايدى Qamshy.kz اقپارات اگەنتتىگى. بۇل تۋرالى ساياساتكەر ءوزىنىڭ فەيسبۋك پاراقشاسىنا جاريالاعان بولاتىن. 

"و باستان مەن قوعام مەن بيلىك اراسىنداعى ديالوگ ماسەلەسى ابستراكتىلى، ناقتى ءمان-مازمۇنى، ءىس-قيمىلى جوق ۇرانداردان گورى ورتاق تاقىرىپتار مەن جوبالار بويىنشا ناقتى تىرلىككە ۇلاسۋى كەرەك ەكەنىن ايتىپ ءجۇرمىن.
ايدوس سەكىلدى تانىمال، وزىندىك پوزيسياسى بار ازاماتتىڭ دەموكراتيالىق ۇيىمدار قاتارىندا ءجۇرىپ، وكىمەتپەن دە ءتىل تابىسۋىن زاماناۋي، مەملەكەتتى العا جەتەلەيتىن ترەندتىڭ ءبىرى دەپ بىلەمىن.
سول سەبەپتى بيلىكتىڭ وسىناۋ شەشىمىن، ايدوس باۋىرىمنىڭ قادامىن قولدايمىن.
ينتەللەكتۋال، ۇلتشىل ءارى مەملەكەتشىل كۇشتەر بيلىككە كەلۋ پروسەسى دە وسىمەن توقتاپ قپلماي، ءوز جالعاسىن تابۋى ءتيىس.
ءوزى ايتقانداي، ول "جاڭا قازاقستان" فورۋمىنىڭ قاتارىنداعى قىزمەتىن جالعاستىرا بەرمەك. ءبىزدىڭ فورۋم دا وپپوزيسيالىق سىڭايدا بولىپ، حالىق پەن بيلىك اراسىنداعى شىنايى، ءپرينسيپتى ديالوگ تۋرالى ايتىپ كەلەدى ەمەس پە؟

PS. تەك قانا ايدوس سەكىلدى مىقتىلاردىڭ "شتاتتان تىس" جۇرەتىنى جانعا باتادى. ونداي جىگىتتەر "شتاتقا كىرىپ"، ەلگە، ۇلتقا، مەملەكەتكە ەڭبەگىن سىڭىرەتىن كەزدەر دە الىس ەمەس!"، دەيدى ءامىرجان قوسانوۆ.