4 قىركۇيەكتە قوستاناي وبلىسى قارابالىق اۋىلىندا «قازاق حاندىعىنىڭ 500 جىلدىعىنا» ارنايى سالىنعان باتىردىڭ ەسكەرتكىشىن قۇلاتتى. بۇل تۋرالى @oralbekov_17 ەسىمدى Instagram قولدانۋشىسى جازدى.
«قاراساڭ، جۇرەگىڭ اۋرادى. ۆيدەو Whats app جەلىسى ارقىلى تارادى. ورنىنا سەنىمدى ماتەريالداردان باسقا باتىردىڭ ەسكەرتكىشىن ورناتپاق. ايتۋلارىنا قاراعاندا، ەسكەرتكىشتى باسقا اۋىلدىق وكرۋگكە ورناتپاق. ءبىراق مەندە مىناداي سۇراق تۋىندايدى: ول باتىر كىمگە بوگەت كەلتىردى؟ العاش بۇل جوبانى قولىنا الىپ، بيلىكتەن قارجىلاي كومەك سۇراپ جۇگىرگەندەردىڭ ءبىرى مەنىڭ اتام – وتەشوۆ اسىلبەك عاپپاز ۇلى بولعان ەدى. وكىنىشكە وراي، ول كىسى ءقازىر جانىمىزدا جوق. مىنا ۆيدەونى كورگەندە، جۇرەگىم اۋىردى. باسقا ءسوزىم جوق»، - دەپ جازىلعان الەۋمەتتىك جەلىدە.
ارى قاراي قارابالىق اۋدانى اكىمدىگىنىڭ سايتىنان مىنا ءماتىندى كەلتىرىپتى:
«2015 جىلى قازاق حاندىعىنىڭ 550 جىلدىعىنا وراي تاۋەلسىزدىك ءۇشىن كۇرەسكەن باتىردىڭ ەسكەرتكىشى ورناتىلدى. قارابالىقتا وسى كۇنگە دەيىن ۇلتتىق بەينەنى ايقىنداپ تۇراتىن ەسكەرتكىشتەر بولماعان. ال ءقازىر قارابالىقتىڭ جانىنان وتكەن ءاربىر ادامعا كورىنەرلىك ەسكەرتكىش بار اۋىلىمىزدا. ەسكەرتكىشتى جاساعان ءمۇسىنشى ەرتۋعان شايماعامبەتوۆ».
پىكىر قالدىرۋ