مەنىڭ مىرزان دوسىم كەنجەباي بۇل جولى دا، اسىعىس-ۇسىگىس قالپى:
ء-اي، كوكبورى، وسى سەن نەگە ۇندەمەي قالدىڭ؟ مىنا جۇرتتىڭ «كوكبورى ەكى مايدانعا دا تەڭ جۇمىس ىستەيدى. وعان دالەل، وسى جۇماش، انا جىلى الماتى قالالىق اكىمدىگىندە ەكى رەت، وپپوزيسيادا ەكى رەت جۇمىس ىستەگەن ادام» دەگەندەرى راس سياقتى.
- ءيا، مىرزان، مۇنىمەن نە ايتقىڭ كەلىپ وتىر؟
ء-بىزدىڭ جاس مەملەكەتىمىز قازاقستان رەسەيدىڭ قۇلاقكەستى ق ۇلى بولعالى قاشان؟ اقش سانكسيالارىنان كەيىن ول كورشىمىز شاتقاياقتاپ-اق قالدى. بىزدىكى دە «ورىس نە كورسە سونى بىرگە كورەمىز، ءول دەسە، ولەمىز» دەگەندەي ولارعا جالپاڭ قاعۋىن قويار ەمەس. كەشەدەن بەرى ورىس ءرۋبلى قاتتى السىرەي باستاپ ەدى، ءبىزدىڭ ۇلتتىق تەڭگە بىردەن قۇنسىزدانعانىنىڭ كۋاسى بولىپ وتىرمىز. سەن، وسى تۋرالى نەگە جازبايسىڭ، ا؟
-ەندى جازىپ جاتىرمىن عوي.
- جوق، ءۇنسىز قالدىڭ؟ جازعىش بولساڭ ايتشى، «جاس قازاقستان» مەن «جاڭا قازاقستان» دەگەننىڭ قانداي ايىرماسى بار؟
-«جاسى» - جاس، «جاڭاسى» - جاڭا. وندا تۇرعان نە بار ەكەن؟
ء-اي، كوكبورى، اڭگىمەنىڭ ءبارى وسى «جاس» پەنەن «جاڭادا» تۇر ەمەس پە؟
-سوندا قالاي؟
-مەملەكەتىمىز «جاس» بولسا، انالار نەگە «جاڭا قازاقستان» قۇرامىز دەپ ەكى وكپەلەرىن قولىنا الىپ الا شاپقىن بولىپ ءجۇر؟ ونسىز دا «جاس» مەملەكەتتەن ولار قالايشا «جاڭا قازاقستان» جاساماق؟ وسى يدەيانىڭ ارتىندا ءبىزدىڭ «ۇلىلار» مەن «دوكەيلەردىڭ دوكەيى» تۇر دەگەن راس پا؟ ءبىز ءتۇبى ەل بولىپ قالامىز با، جوق، انالار ايتىپ جۇرگەندەي «جاڭا قازاقستان» دەگەن ءبىر مەملەكەت» قۇرامىز با؟ ولار سوندا ونسىز دا «جاس مەملەكەتتەن» - قالاي «جاڭا قازاقستان» جاساماق؟
ء-يا مىرزان، «جاس» پەنەن «جاڭانىڭ» اراسى جەر مەن كوكتەي مە قالاي ءوزى؟..
ء-اي، كوكبورى، وتىرىك بىلمەگەن بولما؟- دەپ تەلەفون قۇلاعىن تاستاي سالدى.
ار جاقتاعى تەلەفون ءبىرازعا دەيىن:
-«دىڭ-دىڭ»، «دىڭ!..»- دەپ تۇرىپ قالدى...
جۇماش كوكبورى
