العاشقى پارتيالىق ۇيىم جۇمىسىنىڭ بەلسەندىلىگىن ارتتىرۋ ءۇشىن «نۇر وتان» پارتيانىڭ ءار مۇشەسى ءۇشىن الەۋمەتتىك جانە كاسىبي بەينەسىن قۇراستىرۋعا مۇمكىندىك بەرەتىن دەرەكتەردىڭ كەڭەيتىلگەن بازاسىن قۇراستىرادى. بۇل پارتيالىقتارعا نۇروتاندىقتاردىڭ جۇمىسى مەن سايلاناتىن لاۋازىمعا كوتەرمەلەيتىن پارتيالىق كادرلىق رەزەرۆتىڭ ساپالى قۇرامىن جاقسارتۋعا مۇمكىندىك بەرەدى. 
بۇل تۋرالى بۇگىن پاۆلوداردا وتكەن العاشقى پارتيالىق ۇيىمداردىڭ ءبىرىنشى ايماقتىق فورۋمىندا «نۇر وتان» پارتياسىنىڭ حاتشىسى تامارا دۇيسەنوۆا حابارلادى. 
پاۆلوداردا «نۇر وتان» پارتياسىن جەتىلدىرۋ اياسىندا العاش رەت پارتيا حاتشىسى تامارا دۇيسەنوۆانىڭ جانە «نۇر وتان» پارتياسى پاۆلودار وبلىستىق فيليالىنىڭ ءتوراعاسى، وبلىس اكىمى بولات باقاۋوۆتىڭ قاتىسۋىمەن اپۇ ايماقتىق فورۋمى وتكىزىلىپ وتىر. 
فورۋمعا العاشقى ءىرى پارتيالىق ۇيىم مەن اقمولا، شىعىس قازاقستان، سولتۇستىك قازاقستان جانە پاۆلودار وبلىسىنىڭ ايماقتىق فيليالدارىنىڭ جەتەكشىلەرىن قوسقاندا، باس-اياعى 250-دەن استام ادام شاقىرىلىپتى. ەكى كۇندىك جيىننىڭ نەگىزگى ماقساتى – اپۇ بەلسەندىرۋ تۇجىرىمداماسىنىڭ جوباسىن تالقىلاۋ.
- ءبىز تۇجىرىمداما جوباسىن ازىرلەدىك جانە ونى پارتيا قىزمەتىن جەتىلدىرۋ بويىنشا مىندەتتەر تۇرعىسىنان قاراستىرىپ وتىرمىز: «العاشقىلار» رەتىندە جالپىۇلتتىق كۇن ءتارتىبىن جاساۋعا، ەلباسىنىڭ تاپسىرمالارى مەن جاڭا ماقساتتارى تۋرالى حالىقتى اقپاراتتاندىرۋ ءۇشىن قانداي تەحنولوگيالاردى قولدانۋ قاجەت، جاستارمەن قالاي جۇمىس جۇرگىزۋ كەرەك، ايماقتارداعى الەۋمەتتىك پروبلەمالاردى مونيتورينگىلەۋ مەن ولاردى شەشۋ ءۇشىن ساياسي جانە ستراتەگيالىق الەۋەت قانداي بولۋى ءتيىس، پارتيا مۇشەلەرىنىڭ ساپالىق قۇرامى قانداي بولۋى ءتيىس دەگەن ماسەلەلەر قاراستىرىلادى. ايماقتىق فورۋمنىڭ ناتيجەسى بويىنشا ونىڭ قاتىسۋشىلارىنىڭ ۇسىنىستارى استاناداعى اپۇ رەسپۋبليكالىق فورۋمىنا ۇسىنىلاتىن بولادى»، - دەپ اعىنان جارىلدى تامارا دۇيسەنوۆا ءىس-شارانىڭ اشىلۋىندا. 
فورۋم اياسىندا پارتيالىق سونىمەن قاتار، «العاشقىلاردىڭ» قىزمەتىن باعالاۋ، ىنتالاندىرۋ مەن جانداندىرۋ جۇيەسىن ەنگىزۋدى، پارتيالىق وقىتۋ، ادامي رەسۋرستاردى باسقارۋ ماسەلەلەرىن، پارتيالىق كادرلىق رەزەرۆتى قالىپتاستىرۋدى، سونداي-اق، يدەولوگيالىق جوبالاردى، حالىقتىڭ سيفرلىق ساۋاتتىلىعىن ارتتىرۋ، شوب دامىتۋ، ۇشتىلدىلىككە اۋىسۋ بويىنشا جاڭا 22 پارتيالىق جوبالاردى ىسكە اسىرۋ بويىنشا جۇمىستىڭ تۇرلەرى مەن ادىستەرىن تالقىلادى. 
ودان سوڭ فورۋم قاتىسۋشىلارى پارتيانىڭ بۇكىل قىزمەتىن سيفرلاندىرۋعا، قاعاز قۇجاتاينالىمىن قىسقارتۋ مەن ونىڭ مۇشەلەرىنىڭ ءبىرىڭعاي بازاسىن قۇرۋعا باعىتتالعان «سيفرلىق پارتيا» جوباسىمەن تانىستى. ودان باسقا، ايماقتىق فورۋم قاتىسۋشىلارى ءۇشىن «شەشەندىك شەبەرلىك»، «ساياسي كوممۋنيكاسيالار» جانە ت.ب. ترەنينگتەر وتكىزىلدى.