8-قىركۇيەكتە «استانا» الاڭىندا الماتى قالاسىنىڭ ەڭ مادەني ءىس-شاراسى - «KITAP FEST 2018» حالىقارالىق كىتاپ فەستيۆالى وتكىزىلدى دەپ جازادى Qamshy.kz اقپارات اگەنتتىگى. ۇيىمداستىرۋشىلارى  - الماتى قالاسى اكىمدىگىنىڭ قولداۋىمەن «BAURZHAN Foundation» قورى.

بۇل جىلى «KITAP FEST» 5ء-شى رەت وتكىزىلىپ وتىر. جىلدان-جىلعا اۋقىمى كەڭەيىپ كەلە جاتقان فەستيۆال وتاندىق جازۋشىلار مەن وقىرمانداردىڭ، بلوگەرلەردىڭ، قوعام قايراتكەرلەرىنىڭ باسىن قوسىپ، قالامىزدىڭ مادەني-اعارتۋشىلىق ءىس-شاراسىنا اينالدى.

فەستيۆال قالاي ءوتتى؟

كوپشىلىكتىڭ نازارىنا I BOOK YOU ۇيىمداستىرعان  كىتاپ الماسۋ ءتۇستى. كىتاپ الماسۋ ارقىلى ولار  وزەرىنىڭ كىتاپ ءتىزىمىن  جاڭارتا الدى. بۇندا كىتاپ جانرلارىنىڭ ءتۇر-تۇرى بولدى. جالپى كىتاپ الماسۋعا 5000-عا جۋىق كىتاپ ءتۇستى.

جازۋشىلار شاتىرى. كۇنى بويى بۇل شاتىردا وتاندىق جازۋشىلار وزدەرىنىڭ  2017-2018 جىلدارى جارىق كورگەن كىتاپتارىمەن تانىستىردى. ولاردىن اراسىندا ولەگ چەرۆينسكيي «چەرنايا كروۆ كازاحستانا»، حاكيم بۋليبەكوۆ «كيپچاك س انتاركتيدى» ، Jan Amany، ناتاليا ماحنو «توچكا بيفۋركاسيي» ، الماز شارمان «پريوريتەتى»  جانە ت.ب. بولدى.

بلوگەرلەر شاتىرى. فەستيۆالدا قاتىسۋشىلار تانىمال قوعام قايراتكەرلەرىمەن، جۋرناليستەرمەن، بلوگەرلەرمەن تانىسۋ مۇمكىندىگىنە يە بولدى. ال ولار ءوز كەزەگىندە كىتاپقا قاتىستى كوپتەگەن قىزىق اڭگىمە قوزعادى.

شاقىرىلعان قوناقتاردان ايسانا اشيم، مارينا شاريپوۆا، اينا دوسماحامبەت قىزى، ايدوس سارىم، ديانا سنەگينا جانە ت.ب. بولدى.

- كىتاپ جارمەڭكەسى. بيىل فەستيۆالدا 28 كىتاپ دۇكەندەرى مەن باسپالار ءوز تاۋارلارىن كورمەگە قويدى.

سونداي-اق «ارۋنا» باسپا ءۇيى بالالارعا ادەيى ارنالعان «كىتاپتار قالاي پايدا بولادى» دەگەن تاقىرىپقا ويىن-ساۋىق باعدارلاماسىن ۇيىمداستىرىلدى.

وسى جىلى كىتاپتار فەستيۆالىندا العاش رەت ادەبيەت سالاسىندا جازۋشىلارعا ارنالعان «كitap Fest» سىيلىعى ۇيىماستىرىلدى. جەڭىمپاز بولىپ بايان الاگۋزوۆا جاريالاندى. ول ءوزىنىڭ كەلەسى كىتابىن «مەلومان» ارقىلى تەگىن باسىپ شىعارۋ مۇمكىندىگىنە يە بولدى.

الەۋمەتتىك جوبالاردى جۇزەگە اسىرۋمەن اينالىساتىن «BAURZHAN Foundation» قورىنىڭ «KITAP FEST 2018» فەستيۆالىن ۇيىمداستىرۋ ارقىلى العا قويعان ماقساتى – ادامدار اراسىندا كىتاپ وقۋ مادەنيەتىن دامىتىپ، وتاندىق جازۋشىلار مەن وقىرمانداردىڭ باسىن قوسۋ.