وسكەمەندەگى دوستىق ءۇيى – قوعامدىق كەلىسىم ورتالىعىندا تىلدەر مەرەكەسىنە ارنالعان جيىن ءوتتى دەپ جازدى altaynews.kz cايتى. بۇل جيىن قازاق ءتىلىنىڭ مارتەبەسىن كوتەرۋگە باعىتتالعان،
قۋانارلىق جايت. سەبەبى شقو-دا قازاق ءتىلىنىڭ مارتەبەسى اقساپ تۇر. جاستاردىڭ كوبىسى ورىس تىلىندە سويلەۋگە قۇمار نە "شالاكازاكشا" سويلەۋگە اۋەس. وسى سەكىلدى شارالار ارقىلى ەڭ بولماسا ءبىر ستۋدەنتتىڭ ويىن وزگەرتىپ، ءسوزىن تۇزەي الساق ۇلكەن جەتىستىك بولار ەدى.
الايدا قازاق ءتىلىنىڭ ماتەبەسى مەن مەملەكەتتىك ءتىلدىڭ - قازاق ءتىلى ەكەنىن باسا نازارعا الىپ، ناسيحاتتالۋى كەرەك جيىندا «رۋحاني جاڭعىرۋ جانە الەۋمەتتىك-گۋمانيتارلىق پاندەر» كافەدراسىنىڭ اعا وقىتۋشىسى ايگۇل جيرەنوۆانىڭ ورىس تىلىندە بايانداما وقۋى كوڭىلدەگى قۋانىشتى سۋ سەپكەندەي باستى. اltaynews.kz سايتىنىڭ ءجۋرناليسىنىڭ ايتۋى بويىنشا بايانداما 15 مينۋتقا عانا سوزىلعان. الدە 15 مينۋتتىق ورىس ءتىلدى بايانداما قازاق ءتىلىنىڭ مارتەبەسىن كوتەرە مە؟
كەزىندە رەسەيدىڭ بودانىندا بولىپ، ءوز ءتىلىمىزدى، ۇلتىمىزدى جوعالتىپ الا جازداعانىمىز راس. الايدا ارادا 27 جىلداي ۋاقىت ءوتتى عوي. ەڭ بولماسا قازاق ءتىلىنىڭ مارتەبەسىن كوتەرىپ، ماڭىزدىلىعىن ارتتىراتىن جيىندا ايگۇل جيرەنوۆانىڭ سوزىنە ءىسى قارسى كەلەتىن ارەكەت جاساۋىن قالاي تۇسىنۋگە، قالاي تۇسىندىرۋگە بولادى؟ شاراعا قاتىسقا شىعىس قازاقستان مەملەكەتتىك ۋنيۆەرسيتەتىنىڭ ستۋدەنتتەرگە قانداي ۇلگى كورسەتتى؟
پىكىر قالدىرۋ