اقتوبە وبلىسىندا بيلىك جەرگىلىكتى ءۇش تۇرعىندى "مەكتەپ تارتىبىنە ساي كيىنبەگەن بالالارىن ساباققا كۇشپەن كىرگىزبەك بولىپ، مۇعالىمدەرگە قوقان-لوقى جاساعان" دەپ ايىپتاپ، جاۋاپقا تارتقان دەپ جازادى Qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. بۇل تۋرالى اقتوبە وبلىستىق سوتىنىڭ باسپا ءسوز قىزمەتى xابارلادى.

قىركۇيەكتىڭ 14ء-ى كۇنى اقتوبە قالاسىنىڭ مامانداندىرىلعان اكىمشىلىك سوتى قالا تۇرعىندارى ءنۇرالى شاقكوزوۆ، مەدەت قۇدايبەرگەنوۆ پەن جانىبەك وتالييەۆتى اكىمشىلىك قاماۋعا الۋ تۋرالى قاۋلى قابىلداعان. سوت شەشىمى بويىنشا شاقكوزوۆ ءۇش تاۋلىككە، قۇدايبەرگەنوۆ پەن وتالييەۆ - بەس تاۋلىككە قامالعان.

بۇل ازاماتتاردىڭ بالالارى اقتوبەدەگى №31 مەكتەپتە وقيدى. مەكتەپ ديرەكتورىنىڭ ورىنباسارى شولپان جيەنمۋرزينانىڭ ايتۋىنشا، وسى مەكتەپتىڭ 13 وقۋشىسى جاڭا وقۋ جىلى باستالعان كۇنى ساباققا ورامال تاعىپ كەلگەن. مۇعالىمدەردىڭ مەكتەپ فورماسىن ساقتاۋ تۋرالى تالابىنان سوڭ 9-سىنىپتا وقيتىن قىز بالا عانا ورامالىن شەشۋگە كەلىسىم بەرگەن.

"وزگە وقۋشىلاردىڭ اتا-انالارى 3 قىركۇيەكتەن باستاپ كۇن سايىن مەكتەپكە كەلىپ شۋ شىعارىپ، مۇعالىمدەرگە قوقان-لوقى كورسەتتى"، - دەيدى شولپان جيەنمۋرزينا.