بەلگىلى تەلەجۋرناليستر نۇرلان وكا ۇلى «Qazaqstan» تەلەكورپاراسياسى ءتوراعاسىنىڭ ورىنباسارى بولىپ تاعايىندالدى. بۇل تۋرالى ەرجان تولەك ءوزىنىڭ فەيسبۋك پاراقشاسىنا جاريالادى.
«ۇزاق جىلدار پرەزيدەنتتىڭ جانىندا ءجۇرىپ، ەلباسىنىڭ حابارىن ەلگە جەتكىزىپ كەلگەن نۇرلاننىڭ ەسىمى قالىڭ جۇرتقا ەتەنە تانىس. سوڭعى جىلدارى مەملەكەتتىك قىزمەتتىڭ مەكتەبىندە ىسىلدى. بۇگىنگە دەيىن پرەزيدەنت اكىمشىلىگىندە ىشكى ساياسات ءبولىمىنىڭ مەڭگەرۋشىسى بولدى. تەلەتارلاننىڭ تەگەۋرىنى «Qazaqstan» تەلەكورپاراسياىسىنىڭ قارىماعىنداعى تەلەارنالار مەن راديولاردىڭ ودان ءارى دامۋىنا ىقپال ەتەرىنە سەنەمىن»، دەپ جازعان ەرجان تولەك.
