«QAZSPORT» تەلەارناسى سپورتتىق شارالاردىڭ كوممەنتاتورلارىن قابىلدايدى. بۇل 5 جىل ىشىندەگى 9-شى كاستينگ. سوڭعى كاستينگ ىرىكتەۋدە 400-دەن اسا ۇمىتكەر  باقتارىن سىنادى. وزدەرىن  جاقسى قىرىنان كورسەتكەن ۇمىتكەرلەر بۇگىندە ارنامىزدا كوممەنتاتور بولىپ جۇمىس ىستەۋدە. ولاردىڭ اراسىندا ليليانا ءالجانوۆا، ەربول قايىروۆ، ەرىك ەرسىن، ديدار قادىروۆ، دميتريي نەستەرەنكو سىندى ەسىمدەر بار.  

كاستينگتىڭ ماقساتى - ارناداعى قازاق جانە ورىس تىلىندە جۇمىس ىستەيتىن كوممەنتاتورلار قۇرامىن جاڭا ەسىمدەرمەن تولىقتىرۋ. كاستينگكە 22 جاستان جوعارى ق ر ازاماتى قاتىسا الادى. كاستينگ مىناداي سپورت تۇرلەرىنەن وتەدى: a)جەكە سپورت تۇرلەرى مەن ۆەلوسپورت، باسكەتبول، ۆولەيبول، رەگبي، حوككەي، جەكپە-جەك، ۇلتتىق سپورت تۇرلەرى؛ ب)مانەرلەپ سىرعاناۋ، كوركەم گيمناستيكا، ءجۇزۋ سياقتى سپورت تۇرلەرى بويىنشا كوممەنتاتور–قىزدار مەن بارلىق سپورت ءتۇرىن جەتىك مەڭگەرگەن كوممەنتاتورلار.  

ۇمىتكەرلەر تۇيىندەمەلەرىن kazsporttv.kz@mail.ru ەلەكتروندى پوشتاسىنا جىبەرۋلەرى كەرەك. رەزيۋمەلەر 2018 جىلدىڭ 8 قازان كۇنى ساعات 20:00 گە دەيىن جەكە تۇلعاعا تىركەلگەن ەلەكتروندى پوشتالاردان عانا قابىلدانادى. تۇيىندەمەلەر وڭدەۋدەن ءوتىپ، ارنايى بازا قۇرىلادى. قاراستىرىلعان تۇيىندەمەلەردەن ۇمىتكەرلەر ءتىزىمى انىقتالىپ، ەلەكتروندى پوشتاعا نەمەسە قوڭىراۋ سوعۋ ارقىلى كاستينگكە قاتىسۋعا شاقىرتۋ جىبەرىلەدى. ۇمىتكەرلەردىڭ وزدەرىمەن بىرگە جەكە كۋالىگى بولۋى شارت. كاستينگ 2018 جىلى 13-14 قازان ارالىعىندا استانا قالاسى، ماسكەۋ كوشەسى، 33ا ۇيىندە ورنالاسقان «QAZSPORT» تەلەارناسىنىڭ عيماراتىندا وتەدى.