الماتى وبلىسىندا كولىكتەرىنە ات سەكىرىپ، 14 جاستاعى قىزىنان ايىرىلعان وتباسى جىلقىشىنى تاۋىپ، جازالاۋدى تالاپ ەتىپ وتىر. ويتكەنى، تاس جولىنا ءۇش بىردەي جىلقىنى ايداعان ەر ادام وقيعا ورنىنان قاشىپ كەتىپتى. ال، جەڭىل كولىكتە وتىرعان ءبىر اۋلەتتىڭ جەتى ادامى تۇگەلىمەن جاراقاتتانىپ، اۋرۋحانادا جاتىر. ونىڭ تورتەۋى بالا.  بىرەۋى سول جەردە كوز جۇمعان دەپ حابارلايدى Qamshy.kz اقپارات اگەنتتىگى ەۋرازيا ءبىرىنشى ارناسىنا سىلتەمە جاساي وتىرىپ.

جانتۇرشىگەرلىك وقيعا قىركۇيەكتىڭ 17-نەن 18-نە قاراعان ءتۇنى ساعات 11 جارىمدار شاماسىندا بولعان. باجاسىنىڭ ۇيىنەن قوناقتان شىققان وتباسى ءدال وسى "تالعار-اقبۇلاق" تاس جولىنا كەلگەندە مىنا جاقتان ءۇش جىلقى شىعىپ، ونىڭ ءبىرى كولىككە قاراي سەكىرىپتى. جىلقىنىڭ ءبىر تۇياعى جۇرگىزۋشىگە، ەكىنشىسى الدىندا وتىرعان 14 جاستاعى قىزدىڭ باسىنا تيگەن. رولگە يە بولا الماعان جۇرگىزۋشى جىلقىمەن بىرگە سۇيرەتىلىپ مىنا اعاشقا سوعىلىپتى.

ەكى كۇننەن بەرى بەت-اۋزى ءىسىپ، ەندى عانا تىلگە كەلگەن كەلىنشەك تۇڭعىشىنان ايىرىلىپ قالعانىن دا بىلمەيدى. اياعى اۋىر بولعاندىقتان قىزىنىڭ قازاسىن تۋعاندارى ءالى ەستىرتپەپتى. ءبىراق، جولعا جۇگىرگەن اتتاردى العاش كورگەن مەن ەدىم دەيدى. ارتتا وتىرعان ءتورت بالامدى قۇشاقتاپ قانا قورعاي الدىم دەپ جىلاۋدا. ميى شايقالىپ، مۇرنى سىنعان ايەلدىڭ قۇرساعىندا 28 اپتالىق تاعى ءبىر ءسابيى بار.   

«مەن كوردىم اتتاردى. ات، ات دەپ ايقايلادىم. كەيىن بالامدى قۇشاقتادىم" – دەيدى زارداپ شەگۋشى گۇلزادا بەگىمبەتوۆا.

سودان بەرى ەكى كۇن وتسە دە اينالاسىندا ءالى قاننىڭ ىزدەرى مەن كولىك بولشەكتەرى شاشىلىپ جاتىر. قاتتى سوققىدان وتباسىنىڭ تۇگەل مۇشەسى جاراقات العان. جۇرگىزۋشى اۋلەتتىڭ باجاسى ەكەن. ءتورت بالاسىمەن كەلگەن قايىن اپاسىن ۇيىنە جەتكىزۋدى ءجون كورىپتى. ءوزىنىڭ ەكى جاسار ۇلىن دا ەرتە شىققان. 14 جاستاعى بالدىزى الدىنا وتىرامىن دەپ قويماپتى. سوندا سەگىز ادام سىيعان تەمىر تۇلپاردىڭ تەرەزەسىنەن كادىمگى تۇلپار كىرىپ، قىسىپ تاستاعان.  

«مەن دەمالا الماي شىقتىم دا، كىشكەنە جەردە وتىر ەدىم. اناۋ كىسى قاراپ تۇر ەكەن، ايداعان ادام اتتى. ءبىر كەزدە جان-جاقتان ماشينالار كەلە باستاعان. سۆەتىنەن قاشا باستادى، كورىپ قويماسىن دەپ» - دەيدى زارداپ شەگۋشى مەدحات بەكتۇروۆ.

جىلقىشىنى وتباسى سول بويى تاپپادىق دەيدى. ال، تالعار اۋداندىق اۋرۋحاناسىنا اياق-قولى سىنىپ، ميى شايقالىپ، بەت-جۇزىن شىنى سىرعان بارلىعى تۇسكەن. ءبىر جارىم جاسار جانە ەكىدەگى ەكى ۇل ەرتەڭىنە شىعارىلىپتى. قاتتى جاراقاتتى الدىندا وتىرعان ءۇيدىڭ تۇڭعىشى العان. جىلقىنىڭ تۇياعى باسىن ەزىپ جىبەرىپتى. كەسىرىنەن سول جەردە جان تاپسىرعان. ال، قالعان ەكى بالا دا اۋرۋحانادا جاتىر.  

 «اياعىنا گيپستەپ، شوكتان شىققان سوڭ قالعان بالالارمەن ولاردا دا مي شايقالۋ جاراقاتى بولعان. تەكسەرىلىپ بولعان سوڭ وبلىستىق اۋرۋحاناعا گرەس-كە جونەلتىلدى» - دەيدى تالعار اۋداندىق اۋرۋحاناسىنىڭ تراۆماتولوگ دارىگەرى تولەۋباي اينابەكوۆ.

ءقازىر وتباسى جولعا جىلقى ايداعان جىلقىشىنى ىزدەۋدە. پوليسەيگە ارىز دا جازىپ قويىپتى. وبلىستىق ىشكى ىستەر دەپارتامەنتى قىلمىستىق ءىستىڭ 345-بابى بويىنشى تەرگەۋ جۇمىستارى باستالعاننى ايتتى. ال، بەگىمبەتوۆتەر اۋلەتى جەتىنشى سىنىپ وقيتىن قىزدارىن كۇنى كەشە جەر قوينىنا تاپسىردى. تەك، تۇڭعىشىنا توپىراق تا سەۋىپ ۇلگەرمەگەن شەشەسىنە قالاي جەتكىزەرىن بىلمەي زار يلەپ قالدى.