اقتوبە قالاسىنداعى «اتامەكەن» كاسىپكەرلەر پالاتاسى الاڭىندا وبلىس اكىمىنىڭ ورىنباسارى قايرات بەكەنوۆتىڭ قاتىسۋىمەن جەرگىلىكتى تاۋار وندىرۋشىلەرگە ارنالعان اشىق ەسىك كۇنى ءوتتى. شارانىڭ ماقساتى — كاسىپورىندار اراسىندا ءوزارا ارىپتەستىك قارىم-قاتىناس ورناتۋ جانە ساتىپ الۋلارداعى وتاندىق قۇرام ۇلەسىن ارتتىرۋ.

وبلىستىق يندۋستريالىق-يننوۆاسيالىق دامۋ باسقارماسىنىڭ قولداۋىمەن وتكىزىلگەن شاراعا «ۆوسحود-Oriel» ج ش س جانە «اltynEx Company» اق سەكىلدى وڭىردەگى ءىرى جەر قويناۋىن پايدالانۋشى كومپانيالار مەن جەرگىلىكتى تاۋار وندىرۋشىلەر قاتىستى. شارا B2B تۇرىندە ۇيىمداستىرىلدى.

وبلىس اكىمىنىڭ ورىنباسارى قايرات بەكەنوۆتىڭ ايتۋىنشا، مەملەكەت باسشىسى ن.نازاربايەۆتىڭ وتاندىق تاۋار وندىرۋشىلەردى قولداۋ، قازاقستاندىق مازمۇندى ارتتىرۋ باعىتىنداعى تاپسىرمالارىن ورىنداۋ ءۇشىن جەر قويناۋىن پايدالانۋشى ءىرى كومپانيالار مەن جەرگىلىكتى تاۋار وندىرۋشىلەر اراسىنداعى ىنتىماقتاستىقتى ارتتىرۋ قاجەت.

— ءبىز ءار توقسان سايىن تالداۋ جاسايمىز، وكىنىشتىسى، كەيبىر ءىرى كومپانيالاردىڭ وتاندىق تاۋار وندىرۋشىلەرمەن اراداعى بايلانىس قارقىنى تومەن. وسى ماقساتتا وبلىس اكىمى بەردىبەك ساپاربايەۆ وڭىردەگى جەر قويناۋىن پايدالانۋشى ءىرى كاسىپورىندارعا جەرگىلىكتى تاۋار وندىرۋشىلەردىڭ باسىن قوسىپ، اشىق ەسىك كۇنىن وتكىزۋ تۋرالى ۇسىنىس ايتقان بولاتىن. قازىرگى ۋاقىتتا ءىرى كومپانيالار مۇنداي كەزدەسۋلەردى ۇيىمداستىرىپ جاتىر. وبلىستاعى سونداي ءىرى كاسىپورىنداردىڭ قاتارىندا «ۆوسحود-Oriel» سەرىكتەستىگى مەن «اltynEx Company» اكسيونەرلىك قوعامى دا بار، — دەدى ق.بەكەنوۆ.

اشىق ەسىك كۇنى ءىسىن جاڭا باستاعان كاسىپكەرلەرگە وتكىزۋ نارىعىن كەڭەيتۋگە، كەي جاعدايدا كەلىسىمشارتتار جاساسۋعا مۇمكىندىك بەرەدى. «اتامەكەن» وڭىرلىك كاسىپكەرلەر پالاتاسى ديرەكتورى نۇرلىبەك مۇقانوۆتىڭ ايتۋىنشا، وبلىستىق كاسىپكەرلەر پالاتاسى 270 جەرگىلىكتى تاۋار ءوندىرۋشىنىڭ ءتىزىمىن جاساعان، سونىڭ شىندە يمپورت الماستىرۋ جانە ءوڭىرارالىق كووپەراسيانى جۇزەگە اسىرۋ ماقساتىندا بىرەگەي تاۋار وندىرۋشىلەردى ءبولىپ قاراستىردى. بۇعان قوسا اتقارۋشى ورگاندارمەن بىرلەسىپ جەرگىلىكتى ۇلەستى باقىلاۋ بويىنشا كوميسسيا قۇرىلعان.

— وبلىستاعى جەر قويناۋىن پايدالانۋشى ءىرى كومپانيالار جىل سايىن تەندەر وتكىزىپ، ساتىپ الۋلار ۇيىمداستىرادى. ءبىزدىڭ پىكىرىمىزشە، تەندەردى جىل سايىن ۇيىمداستىرۋدىڭ ورنىنا جەرگىلىكتى تاۋار وندىرۋشىلەرمەن ءۇش نەمەسە بەس جىلدىق كەلىسىمشارتتار جاساۋ تيىمدىرەك. سەبەبى جىل سايىن ساتىپ الۋ ءۇشىن تەندەر ۇيىمداستىرۋعا كوپ ۋاقىت، رەسۋرس جۇمسالادى. ال تاۋار وندىرۋشىلەرمەن 3-5 جىلعا شارت جاساسسا، ەكى جاققا دا ءتيىمدى بولار ەدى. بۇل جاعدايدا تاۋار وندىرۋشىلەر جۇمىستارىن تەندەردەن تەندەرگە دەيىن ەمەس، بىردەن 3-5 جىلعا جوسپارلار ەدى، — دەيدى ن.مۇقانوۆ.

كەزدەسۋ بارىسىندا «ازپو»، «ازايا» سەكىلدى بىرنەشە جەرگىلىكتى تاۋار وندىرۋشىلەر تۇتىنۋشى كومپانيالارعا ءوز ونىمدەرىن تانىستىردى. «ۆوسحود-Oriel» جانە «AltynEx Company» كومپانيالارىنىڭ باسشىلىعىنا

وتاندىق ءوندىرىستى دامىتۋعا قولداۋ كورسەتۋ ءۇشىن جەرگىلىكتى تاۋار وندىرۋشىلەردىڭ وتىنىشتەرىن قاراۋعا باسىمدىق بەرۋ تۋرالى ۇسىنىس ايتىلدى.