اقتوبە وبلىسىندا 57 مەكتەپكە دەيىنگى ۇيىمدا بالالاردى ەلەكتروندى تۇردە قابىلداۋ جۇيەسى ەنگىزىلسە، وبلىس مەكتەپتەرىنىڭ 91،7 پايىزىندا ەلەكتروندى كۇندەلىك پەن جۋرنال جۇمىس جاساپ تۇر.
وڭىردە «ەلەكتروندى كوللەدج» پيلوتتىق جوباسىن ەنگىزۋ جۇمىستارى دا باستالعان. اقتوبە وبلىستىق اقپاراتتاندىرۋ جانە سىرتقى بايلانىستار باسقارماسىنىڭ باسشىسى ەرمەك كەنجەحانۇلىنى اقتوبەدەگى 44 كوللەدجدىڭ سيفرلاندىرىلاتىنىن ايتتى.
— اقتوبەدە Smart مەكتەپ پيلوتتىق جوباسى دايىندالۋدا. اتالعان جوبا قالا مەكتەپتەرىنە ەنگىزىلسە، اتا-انالارعا بالالارىنىڭ بارلىق قادامدارىن قاداعالاپ وتىرۋلارىنا مۇمكىندىك تۋادى. سونىمەن قاتار ولار، وقۋشىلاردىڭ مەكتەپتەن تىس جۇمىستارىن دا باقىلاپ وتىرا الادى، — دەدى Smart مەكتەپتەردىڭ ارتىقشىلىعىن ايتقان باسقارما باسشىسى. جانە ول جوبالار تانىستىرىلىمى بارىسىندا وبلىس مەكتەپتەرىندەگى ەلەكتروندى جۇيەنى بارىنشا دامىتىپ، بالالارعا ارنايى ءبىرىڭعاي وقۋشى كارتاسىن بەرۋدى جوسپارلاپ وتىرعاندارىن ايتتى.
— بۇل وتە ءتيىمدى ءادىس. سول كارتا ارقىلى بالالار قوعامدىق كولىكتەردە جولاقىسىن تولەپ، اسحانادا ەسەپتەسەتىن بولادى. جانە مەكتەپكە كىرۋى دە، كىتاپحانا قىزمەتىن پايدالانۋلارى دا سول ارقىلى جۇرگىزىلەدى، — دەيدى ەرمەك كەنجەحان ۇلى.
سونداي-اق ول مەكتەپتەن تىس ۇيىرمەلەردىڭ ءبىرىڭعاي جۇيەسى دە ەنگىزىلەتىندىگىن حابارلادى. ال دەنساۋلىق سالاسى بويىنشا اقتوبە وبلىسىنىڭ ەمحانالارى 91،3 پايىزى سيفرلاندىرىلعان. جىل اياعىنا دەيىن قالعان 4 مەديسينالىق مەكەمە دە تولىقتاي جاڭا جۇيەگە كوشىرىلەتىن بولادى.
— بۇل سالاداعى باستى ماقسات — بىرنەشە جوبانى ءبىر جۇيەگە توعىستىرىپ، ءبىر جەلىدە اقپارات جەتكىزۋ. دەنساۋلىق سالاسىن سيفرلاندىرۋ ەمحانالاردا كەزەك كۇتۋدى ازايتىپ، ادامداردىڭ قۇجات تاسۋىن جويادى. سونىمەن قاتار كەلۋشىلەر ءۇشىن ارنايى كۇتۋ زالىن جاساقتاۋعا مۇمكىندىك تۋدىرادى. تاعى ءبىر ايتا كەتەتىن جايت، بۇل رەتتە رەنتگەن قورىتىندىسى دا ەلەكتروندى تۇردە جاساقتالىپ، ولاردىڭ سۋرەتتەرى ساقتالاتىن ارنايى ءبىرىڭعاي بازا قۇرىلادى، — دەدى ول.
بۇگىنگى تاڭدا وبلىستا دەنساۋلىق ساقتاۋ سالاسىنداعى 121 مەديسينالىق فورمانىڭ 38ء-ى ەلەكتروندى تۇردە جۇزەگە اسىرىلىپ جاتىر.
وڭىردە كولىك جانە كوممۋنيكاسيا سالاسىن سيفرلاندىرۋ بويىنشا دا جۇيەلى جۇمىستار اتقارىلۋدا. بۇگىندە قالاداعى 350 اۆتوبۋستا GPS-ترەكەرلەر ورناتىلىپ، «AktobeBUS» ءموبيلدى قوسىمشاسى ىسكە قوسىلعان. اتالعان قوسىمشانى كەز كەلگەن قوعامدىق كولىكپەن جۇرەتىن قالا تۇرعىنى Play marketنەمەس اpp Store قوسىمشالارى ارقىلى جۇكتەپ الىپ، اۆتوبۋس باعىتتارى مەن قوزعالىستارىن باقىلاپ وتىرا الادى.
— قازىرگى تاڭدا قالاداعى بارلىق قوعامدىق كولىكتەردە ەلەكتروندى تولەم جۇيەسى ەنگىزىلىپ، قولما-قول تولەم جاساۋ جۇيەسىن جويۋ قاراستىرىلىپ جاتىر. بۇگىنگى تاڭدا اتالعان جۇيە بويىنشا الماتى، استانا قالالارىنداعى قوعامدىق كولىكتەر جۇمىس جاساۋدا. ءقازىر ولاردىڭ جوبالارىن باقىلاپ، ءوڭىر بويىنشا ءوزىمىز جوبا ازىرلەدىك، — دەدى باسقارما باسشىسى.
