اقتوبە قالاسىنداعى №3 جالپى ورتا ءبىلىم بەرەتىن مەكتەپتە ينكليۋزيۆتى ءبىلىم بەرۋدىڭ رەسۋرستىق كابينەتى اشىلدى. سوعان وراي ينكليۋزيۆتى ءبىلىم بەرۋدى جۇزەگە اسىرۋ ماقساتىندا پسيحولوگيالىق-پەداگوگيكالىق تۇزەۋ كابينەتىندە العاش اشىق ەسىك كۇنى ءوتتى.

مەكتەپتەگى ينكليۋزيۆتى ءبىلىم بەرۋدىڭ رەسۋرستىق كابينەتى — ءتورت ايماقتان تۇراتىن زاماناۋي كەڭىستىك: اتا-انالار ءۇشىن كەڭەس بەرۋ الاڭى، بالانىڭ رەلاكساسيا ايماعى، مۇعالىمدەر مەن ماماندار ءۇشىن توپتىق جۇمىس الاڭى جانە جەكە سىنىپتار ءۇشىن ايماق. مۇندا بالا اتا-انالارىمەن كەڭەس الا الادى. وسىلايشا، مەكتەپ ءبىلىم الاتىن كەز كەلگەن بالانى دامىتۋ ءۇشىن دوستىق اتموسفەرا ءھام جاعداي جاسايدى. رەسۋرستىق كابينەتتىڭ جۇمىسى، سونىمەن قاتار، ەرەكشە قاجەتتىلىكتەرى بار بالالاردى مەكتەپكە بەيىمدەۋدىڭ ءادىسنامالىق تاسىلدەرىن ازىرلەۋگە جانە سىناۋعا باعىتتالاتىن بولادى. ال پسيحولوگيالىق-پەداگوگيكالىق تۇزەۋ كابينەتىنىڭ اشىق ەسىك كۇنىندە ەرەكشە ءبىلىمدى قاجەت ەتەتىن بالالار مەن ولاردىڭ اتا-اناسىنا جانە ب ا ق وكىلدەرىنە جالپى مەكەمەنىڭ جۇمىسى تانىستىرىلدى.

تۇزەۋ كابينەتى بالالارعا جان-جاقتى كومەك بەرۋ ءۇشىن بارلىق قۇرالدارمەن جابدىقتالعان: ياعني ەمدىك دەنە تاربيەسىنىڭ كەشەنى، مونتەسسوري قۇرالدارى، سويلەۋ جانە ەستۋ قابىلەتىن دامىتۋعا ارنالعان كومپيۋتەرلىك باعدارلامالار، دامىتۋ ويىندارى مەن ماتەريالدار.

شارا اياسىندا مۇعالىمدەر مەن اتا-انالارعا ماماندار ەرەكشە ءبىلىمدى قاجەت ەتەتىندەرگە جۇرگىزىلەتىن جۇمىستارعا قاتىستى شەبەرلىك سىنىبىن وتكىزدى. جالپى، ينكليۋزيۆتىك ءبىلىم بەرۋ ءبىلىم بەرۋ جۇيەسىن تۇرلەندىرۋدىڭ باعىتتارىنىڭ ءبىرى بولىپ سانالادى، ول ساپالى ءبىلىمنىڭ بارلىعىنا قولجەتىمدىلىگىن قامتاماسىز ەتۋگە باعىتتالعان.

مامانداردىڭ ايتۋىنشا، رەسۋرستىق كابينەت ەرەكشە قاجەتتىلىكتەرى بار بالالاردى جالپى ءبىلىم بەرۋ مەكتەپتەرىنە بەيىمدەپ، ولارعا قولايلى جاعداي جاساۋ ءۇشىن قاجەت. رەسسسۋرستىق ورتالىقتىڭ اشىلۋىنا «دارا» قورىنىڭ بۇل باستاماسىنا وبلىستىق ءبىلىم باسقارماسى مەن «Samruك-Kazyna Trust» الەۋمەتتىك جوبالاردى دامىتۋ قورى قولداۋ تانىتقان. ينكليۋزيۆتى ءبىلىم بەرۋ الەۋمەتتىك بەيىمدەلۋ جانە ينتەگراسيالاۋ جولدارى ارقىلى ءبىلىم الۋدا ەرەكشە قاجەتتىلىكتەرى بار بالالاردى ولاردىڭ فيزيكالىق، ينتەللەكتۋالدىق جانە باسقا دا ەرەكشەلىكتەرىنە قاراماستان جالپى ءبىلىم بەرۋ ورتاسىنا قوسۋدى قامتاماسىز ەتەدى.وبلىستىق ءبىلىم باسقارماسىنىڭ مالىمەتىنشە، وڭىردە ءبىلىم الۋدا ەرەكشە قاجەتتىلىكتەرى بار 5،5 مىڭنان استام بالا تۇرادى.