Astana Media Week الاڭىندا كونتەنت-ماركەت 15 تەلەارنا مەن 50-دەن استام پروداكشەن-ستۋديانىڭ باسىن قوستى. 

Astana Media Week مەديااپتالىعىنىڭ شىمىلدىعىن بۇگىن، ياعني 26 قىركۇيەك قازمەدياورتالىعىندا وتكىزىلىپ وتىرعان كونتەنت-ماركەت ءىس-شاراسى اشتى. ايتۋلى كورمەگە 15 تەليەۆيزيالىق كومپانيا، 50-دەن استام پروداكش-ستۋديا جانە تاعى دا باسقا مەديا ينستۋريانىڭ ويىنشىلارى قاتىسۋدا.  كورمە بارىسىندا قاتىسۋشىلار ءوز جوبالارىن ورتاعا سالىپ، وتاندىق مەديا سالانىڭ وزەكتى ماسەلەلەرىن تالقىلاۋدا.

Astana Media Week-2018 مەديااپتالىعىنىڭ اشىلۋ سالتاناتىندا ءسوز العان قازاقستان رەسپۋبليكاسىنىڭ اقپارات جانە كوممۋنيكاسيالار ءمينيسترى داۋرەن ابايەۆ قازىرگى قازاقستان قوعامىنداعى مەديانىڭ ماڭىزدىلىعىنا ەرەكشە توقتالىپ ءوتتى.

 «سىزدەردىڭ يدەيالارىڭىز كۇن سايىن اقپاراتتىق لاندشافتى وزگەرتىپ قانا قويماي، سونىمەن قاتار  ساياساتتان باستاپ قارجىعا دەيىنگى، اۋىل شارۋاشىلىعىنان باستاپ سپورتقا دەيىنگى  ءتۇرلى سالالارداعى ۇدەرىستەرگە كۇش بەرۋدە. وسىنىڭ ناتيجەسىندە وزەكتى ماسەلەلەردى كەڭىنەن تالقىلاۋ، ناقتى شەشىمدەردى ازىرلەۋ جانە ءارى قاراي جۇمىس ىستەۋ مەحانيزمدەرى ايتارلىقتاي ارتىپ كەلەدى. ءدال وسى ماقساتتى كوزدەگەن Astana Media Week اپتالىعى ءوز الاڭىندا جۋرناليستەر مەن مەملەكەتتىك ورگاندارى  وكىلدەرىنىڭ عانا ەمەس، سونداي-اق  PR-قوعامداستىعى مەن شەتەلدىك مامانداردىڭ دا باسىن قوسىپ وتىر »، - دەدى د.ابايەۆ.

سونىمەن بىرگە، وتكەن جىلعى Astana Media Week-2017 مەديااپتالىعىندا رەسپۋبليكالىق تەلەارنالاردىڭ كوپتەگەن جاڭا ءارى قىزىقتى جوبالاردى اشقاندىعىن اتاپ ءوتتى جانە كاسىبي قوعامداستىق ءۇشىن AMW ءداستۇرلى شاراعا اينالاتىندىعىنا سەنىم ءبىلدىردى.

كونتەنت-ماركەت – مەديا-كونتەنتكە تاپسىرىس بەرۋشىلەر، ءىرى تەليەۆيزيا جانە راديوكومپانيالار مەن پروداكش-ستۋديا، شىعارماشىلىق ۇجىمدار، پروديۋسەرلىك ورتالىقتار، اقپارات سالاسىنداعى اۆتورلىق جوبالار، مەديا-ويىن-ساۋىق، مۋزىكا جانە كينو سياقتى ءوندىرىستىڭ جەكە نارىق وكىلدەرى اراسىنداعى ديالوگ ءۇشىن ءتيىمدى الاڭ.

بۇدان بولەك، بۇگىن كاسىبي ماماندار تەليەۆيزيالىق، ينتەرنەت جانە باسقا دا مەدياونىمدەردىڭ جوبالارىن ۇسىنعان كاسىبي جانە اشىق پيچينگتەر وتۋدە. سونداي-اق، مەديااپتالىقتىڭ قاتىسۋشىلارى «بولاشاق ماماندىقتارى» دەپ اتالعان بەيرەسمي MediaTalks كونفەرەنسياسىندا مەديا يندۋستريانىڭ اسا ماڭىزدى تاقىرىپتارىن تالقىلايتىن بولادى.

28 قىركۇيەككە دەيىن جالعاساتىن Astana Media Week-2018 مەديااپتالىعىنا 2000 قوناقتار مەن قازاقستاندىق جانە شەتەلدىك مەديا يندۋستريانىڭ 60 توپ مەنەدجەرى، 15 رەسپۋبليكالىق تەلەارنا مەن 50-دەن استام پروداكشن-كومپانيالار قاتىسۋدا. اتالعان ءىس-شارا شەڭبەرىندە زاماناۋي مەديا-نارىقتاردى دامىتۋدىڭ ماڭىزدى تاقىرىپتارى بويىنشا شەبەرلىك سىنىپتارى مەن پانەلدىك پىكىرتالاستار، ايماقتىق ب ا ق فورۋمى جانە شەتەلدىك ساراپشىلاردىڭ قاتىسۋىمەن Astana Digital Forum وتەدى.