قازاقستاندىق كاسىپقوي بوكسشى جانىبەك ءالىمحان ۇلى (2-0، 1 كو) كاسىبي بوكستاعى ءۇشىنشى جەڭىسىنە قول جەتكىزدى دەپ جازادى Qamshy.kz اقپارات اگەنتتىگى prosports.kz سىلتەمە جاساي وتىرىپ.
وكلەندتەگى (كاليفورنيا شتاتى، اقش) بوكس كەشىندە شارشى الاڭعا شىققان جانىبەك 24 جەكپە-جەك وتكىزىپ، 16-ىن جەڭگەن كولۋمبيالىق كارلوس گالۆانمەن جۇدىرىقتاستى. جەكپە-جەك جوسپارلانعان بارلىق راۋندتىڭ سوڭىنا دەيىن جالعاسىپ، قازاقستاندىق بوكسشى تورەشىلەردىڭ شەشىمىمەن جەڭىسكە جەتتى.
ەستەرىڭىزدە بولسا، جانىبەك ءالىمحان ۇلى بيىل ماۋسىم ايىندا الەمگە ايگىلى پروموۋتەر بوب ارۋممەن كەلىسىمشارتقا قول قويعان بولاتىن. بۇل جانىبەكتىڭ بوب ارۋم باسقاراتىن Top Rank پروموۋتەرلىك كومپانياسى قاتارىنا قوسىلعاننان كەيىنگى اقش-تاعى العاشقى جەكپە-جەگى.
