قازاقستانداعى ساپار بارىسىندا كورەيا رەسپۋبليكاسىنىڭ توتەنشە جانە وكىلەتتى ەلشىسى كيم دە سيك اتىراۋ وبلىسىنىڭ اكىمى نۇرلان نوعايەۆپەن كەزدەستى.

ديپلومات اتىراۋ قالاسىنا تحەكۆوندودان العاشقى اشىق ازيا چەمپيوناتىنىڭ سالتاناتىنا قاتىسۋ ءۇشىن كەلگەن بولاتىن. ەكى ەلدىڭ سپورتتىق جەتىستىكتەرى كەزدەسۋدەگى نەگىزگى تالقىلاۋلاردىڭ ءبىرى بولدى.

- اتىراۋعا قوناق بولعانىڭىز ءۇشىن سىزگە العىس ايتامىز. مۇندا العاش رەت تحەكۆوندودان اشىق ازيالىق چەمپيونات ءوتىپ جاتىر. ازيانىڭ تحەكۆوندو بىرلەستىگىنىڭ پرەزيدەنتى كيۋ سەوك ءليدى قارسى العانىمىزعا قۋانىشتىمىز. سپورتتىق جارىستار حالىقتار مەن مەملەكەتتەردى جاقىنداستىرۋعا ۇلەسىن قوسادى،-دەدى نۇرلان نوعايەۆ. - بۇل سپورت تۇرىندە سپورتشىلارىمىز تاماشا جەتىستىكتەرگە جەتتى. ونىڭ ءبىرى،يندونەزياداعى ازيا ويىندارىندا كۇمىس جۇلدەگەر اتانعان جانسەل دەنيز.

وبلىس اكىمى كوپتەگەن سپورت تۇرلەرىندە قازاقستاندىق سپورتشىلاردىڭ وسىنداي جەتىستىكتەرىنىڭ بار ەكەنىن اتاپ ءوتتى.

- دۇرىس ايتاسىز. سپورت بۇل  ەلدەر مەن حالىقتاردى بىرىكتىرەدى. 2018 جىلى  پحەنچحان قالاسىندا وتكەن قىسقى وليمپيادا ويىندارىندا بۇكىل الەمگە سپورتتى بىرىكتىرەتىن فاكتور كورسەتىلدى، - دەدى كيم دە سيك. - ەگەر ەكونوميكاداعى قارىم-قاتىناسىمىز تۋرالى ايتسام، ءسىزدىڭ ەلدىڭ جانە ايماقتىڭ ەكونوميكاسىنا وڭتۇستىك كورەيا بيزنەسىنىڭ قوسقان ۇلەسىن اتاپ وتكىم كەلەدى. قازىرگى تاڭدا، ءبىزدىڭ كومپانيامىز وبلىستىڭ مۇناي ونەركاسىبىندە جۇمىس ىستەيدى، مەديسينا سالاسىن دامىتۋ ءۇشىن كوپتەگەن جوبالار دايىنداعان. اتىراۋ ينۆەستيسيا ءۇشىن بولاشاعى جارقىن ايماقتاردىڭ ءبىرى جانە قازاقستان ەكونوميكاسىن دامىتۋدا ۇلكەن ءرول اتقارادى.

ديپلومات جاستاردىڭ كارىس ءتىلىن ۇيرەنۋگە قىزىعۋشىلىعىن اتاپ ءوتتى، بۇل اتىراۋ مەملەكەتتىك ۋنيۆەرسيتەتىنىڭ ستۋدەنتتەرىمەن كەزدەسۋدە ايتىلعان بولاتىن.

- ءبىز ستۋدەنتتەرگە قاجەتتى ءبىلىم بەرۋ ماتەريالدارىن ۇسىنۋعا دايىنبىز. ءبىز قازاقستان پرەزيدەنتى جۇرگىزىپ وتىرعان ساياساتتىڭ كوپ ۇلتتى مەملەكەتتە بەيبىتشىلىك پەن كەلىسىم ورناتۋعا باعىتتالعانىن بىلەمىز ، - دەپ اتاپ ءوتتى ەلشى.

وبلىس اكىمى ءوز كەزەگىندە ەلباسىنىڭ مەملەكەت بەيبىت ەلدىڭ دامۋى ءۇشىن بارلىق قاجەتتى جاعدايلاردىڭ جاسالعانىن ايتتى. قازاقستاندا تۇراتىن 130 ۇلتتىڭ قۇقىقتارى مەن مىندەتتەرى تەڭ.

- ەلباسىمىز نۇرسۇلتان نازاربايەۆتىڭ ساياساتىنىڭ ارقاسىندا قازاقستان الەمدە لايىقتى ورىن الدى. ءبىز ينۆەستيسيالار جانە بىرلەسكەن جوبالارعا دايىنبىز. قولايلى ينۆەستيسيالىق احۋال ەكونوميكانىڭ ءتۇرلى سالالارىندا كوپتەگەن جوبالاردى جۇزەگە اسىرۋعا مۇمكىندىك بەرەدى، - دەدى نۇرلان نوعايەۆ. - ءبىز ءسىزدىڭ ەلدىڭ ينۆەستيسيالىق جوبالارىن تالقىلاۋعا جانە قولداۋعا دايىنبىز. جاڭا وندىرىستەردى دامىتۋ ءۇشىن بارلىق العىشارتتار بار.

اتاپ وتكەندەي، كورەيا رەسپۋبليكاسىنىڭ دەلەگاسياسى تحەكۆوندودان العاشقى اشىق ازيا چەمپيوناتىنىڭ سالتاناتىنا قاتىساتىن بولادى. توكيودا وتەتىن وليمپياداعا ليسەنزيا الۋ ءۇشىن 400-گە جۋىق سپورتشى كۇرەسۋگە دايىن.