4 قازاندا قىزىلوردا قالاسىنداقازاقستان رەسپۋبليكاسى ق ر مادەنيەت جانە سپورت مينيسترلىگى ءتىل ساياساتى كوميتەتى شايسۇلتان شاياحمەتوۆ اتىنداعى «ءتىل -قازىنا» ۇلتتىق عىلىمي-پراكتيكالىق ورتالىعى «جاھاندانۋ جاعدايىنداعى ءتىل ۇيرەتۋدىڭ يننوۆاسيالىق ادىس-تاسىلدەرى» رەسپۋبليكالىق سەمينارىن وتكىزدى.
سەمينار جۇمىسىنا ءتىل ساياساتى كوميتەتىنىڭ ساراپشىسى قوناي حالىم، شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭاتقارۋشى ديرەكتورى ەربول تىلەشوۆ، قىزىلوردا وبلىستىق ىشكى ساياسات باسقارماسىنىڭ باسشىسى تالعات ماحانوۆ، «ءتىل-قازىنا» ۇلتتىق عىلىمي-پراكتيكالىق ورتالىعى ادىستەمەلىك ءبولىمىنىڭ باسشىسى سابيرا ساپينا جانە استانا، الماتى قالالارى مەن وبلىس ورتالىقتارىنداعى مەملەكەتتىك ءتىلدى وقىتۋ ورتالىقتارىنىڭ وقىتۋشىلارى مەن ادىسكەرلەرى قاتىستى.
شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ «جاڭا قازاق ءالىپبيى: ۇلتتىق وركەنيەت باعدارى جانە جاھاندىق دامۋمەن ساباقتاستىق» تاقىرىبىنداعى بايانداماسىندا ءتىل وقىتۋ بارىسىندا باسشىلىققا الىناتىن جاھاندىق، زاماناۋي ۇستانىمدار مەن قاعيدالار تۋرالى، الەمدىك ءتىل ۇيرەتۋ ۇدەرىسىندە دامىعان، ال قازاق ءتىلىن وقىتۋدا ءالى كۇنگە دەيىن تەوريالىق تا، پراكتيكالىق تا تۇرعىدان جۇيەلەنبەي كەلە جاتقان ءتىلدىڭ باستاپقى لەكسيكالىق مينيمۋمىن انىقتاۋ، ونى ءتىلدى دەڭگەيلەپ وقىتۋ بارىسىندا قولدانۋ ماسەلەسى تۋراسىنداعى ويلارىمەن ءبولىستى.
قاراعاندى وبلىسى تىلدەردى وقىتۋ ورتالىعىنىڭ وقىتۋشىسى دينارا قۋانبايەۆا قازاق ءتىلى ساباقتارىندا زاماناۋي مۋلتيمەديالىق تەحنولوگيالاردى، Playposit، Socrstive، Thinglink ونلاين باعدارلامالارىن قولدانۋدىڭ ادىس-تاسىلدەرىن پراكتيكا جۇزىندە كورسەتتى.
شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى ادىستەمەلىك ءبولىمىنىڭ باسشىسى سابيراساپينا «لاتىن گرافيكاسى نەگىزىندەگى قازاق ءتىلىنىڭ جاڭا ەملە ەرەجەلەرىن وقىتۋ ماسەلەلەرى» تاقىرىبى بويىنشا ەملە ەرەجەلەرىنىڭ جوباسىن تانىستىرىپ، جازۋ جوباسىنداعى وزگەرىستەر ەنگەن جاڭا ەرەجەلەردى مىسالدار ارقىلى ءتۇسىندىردى. تىڭداۋشىلار ەرەجەلەر جوباسىن ۇلكەن قىزىعۋشىلىقپەن قابىلداپ، كەيبىر ماسەلەلەر بويىنشا پىكىرلەرىن ءبىلدىرىپ، ەملەدە سويلەۋ ءتىلىنىڭ زاڭدىلىقتارى ساقتالعاندىعىن، بۇل ءوز رەتىندە ءتىل ۇيرەتۋ كەزىندە، اسىرەسە، شەت تىلدەردەن ەنگەن سوزدەردىڭ جازىلۋىن ۇيرەتۋ كەزىندە وڭتايلى بولاتىندىعىن اتاپ كورسەتتى.
اقتوبە وبلىسى تىلدەردى وقىتۋ ورتالىعىنىڭ وقىتۋشىسى التىنگۇل تاڭىربەرگەنوۆا وقىتۋدىڭ جاڭاشىل، بەلسەندى ادىس-تاسىلدەرىن جانە قازاق ءتىلىن شەتەل ءتىلى نەمەسە ەكىنشى ءتىل رەتىندە وقىتۋ ادىستەمەسى نەگىزىندە قۇراستىرىلعان ينتەراكتيۆتى«Lepbook» باعدارلاماسىن تانىستىردى.
شارادا «اتامەكەن» ق ر ۇقپ بيزنەس-كوممۋنيكاسيانى مەملەكەتتىك تىلدە دامىتۋ دەپارتامەنتىنىڭ ساراپشى-لينگۆيسى، فيلولوگيا عىلىمدارىنىڭ كانديداتى بەكزات دينايەۆا، كوكشەتاۋ قالاسى تىلدەردى وقىتۋ ورتالىعىنىڭ وقىتۋشىسى گۇلنار كاجكەنوۆا سىني ويلاۋ تەحنولوگياسى ارقىلى جازىلىم داعدىلارىن مەڭگەرتۋ جولدارى مەن قازاق ءتىلىن وقىتۋدا ەلەكتروندىق، اقپاراتتىق-كوممۋنيكاتيۆتىك تەحنولوگيالاردى پايدالانۋدىڭ تيىمدىلىگىن كورسەتەتىن تاجىريبەلەرىمەن ءبولىستى.
سەمينار بارىسىندا ۇسىنىلعان ادىس-تاسىلدەرگە قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ دوسەنتى، فيلولوگيا عىلىمدارىنىڭ كانديداتى گۇلشات قامزايەۆا عىلىمي-ادىستەمەلىك ساراپتاما جاساپ، باعاسىن بەردى.
شارا سوڭىندا سەمينار قاتىسۋشىلارىنا ق ر مادەنيەت جانە سپورت مينيسترلىگى ءتىل ساياساتى كوميتەتىنىڭ سەرتيفيكاتتارى تابىستالدى.
