مەملەكەت باسشىسىنىڭ تاپسىرماسىن ورىنداۋ ماقساتىندا، اكىمدىكپەن استانا قالاسىنىڭ 2019-2023 جىلدارعا ارنالعان جيناقى قۇرىلىسى جونىندەگى كەشەندى جوسپاردىڭ جوباسى ازىرلەنىپ، ۇكىمەت وتىرىسىنىڭ قاراۋىنا ۇسىنىلىپ وتىر. جوبا مۇددەلى مەملەكەتتىك ورگاندارمەن كەلىسىلگەن.

كولىكتەندىرۋ دەڭگەيىنىڭ 8-9 پروسەنتكە دەيىن جىل سايىنعى ۇلعايۋىن ەسكەرە وتىرىپ، 2023 جىلعا دەيىن 121 كم جول، 2 جول ايرىعىن، 3 كوپىر، 1 جول وتپەسىن، 1 توننەل سالۋ جانە 1 اينالما جولدى اياقتاۋ جوسپارلانۋدا.

كولىك قاڭقاسىن قۇرۋ ەلوردا جولدارىندا كولىكتىك كوللاپستىڭ تۋىنداۋىنا جول بەرمەۋدى جانە قالانىڭ نەگىزگى ماگيسترالدارىنان 50 پروسەنتكە جۇكتەمەنى تومەندەتۋگە مۇمكىندىك بەرەدى.

ناقتى شەشىمدى قاجەتسىنەتىن استانانىڭ وزەكتى ماسەلەلەرىنىڭ ءبىرى - نوسەرلى كارىز.

2019 جىلدىڭ سوڭىنا قاراي نوسەرلى كارىزدىڭ قولدا بار تازالاۋ قۇرىلىستارىن رەكونسترۋكسيالاۋ جانە جاڭالارىن سالۋ جۇمىستارىن وتكىزۋ جوسپارلانادى. بۇل 17 مىڭ گەكتار اۋداندى قامتۋعا (جاستار شاعىن اۋدانى، اقبۇلاق، ءوندىرىس تۇرعىن الاپتارى، ش. قۇدايبەردى ۇلى داڭعىلى اۋدانى، مىڭجىلدىق اللەياسى، «نۇرلى جول» تەمىر جول ۆوكزالى، اسكەري قالاشىق) جانە جەر ۇستىندەگى سۋلاردىڭ كەدەرگىسىز كەتۋىنە مۇمكىندىك بەرەدى.

سۋ جيناۋدىڭ جالپى الاڭى 13 مىڭ گەكتاردان 23 مىڭ گەكتارعا دەيىن وسەدى، بۇل 2030 جىلعا دەيىن يگەرۋ الاڭىنىڭ 66 پروسەنتكە (34،6 مىڭ گا) نەمەسە 2020 جىلعا نوسەرلى كارىز جەلىسىنە اعىن سۋلار الاڭنىڭ 96،5 پروسەنتىن (23،8 مىڭ گا) قۇرايدى.

حالىققا ساپالى قىزمەتتەرمەن قامتاماسىز ەتۋ ءۇشىن 150 كم سۋمەن قامتۋ جەلىلەرىن جانە 81 كم سۋ بۇرۋ جەلىلەرىن سالۋ كۇتىلۋدە.

ەكىنشى جىلۋ ەلەكتر ورتالىعىن كەڭەيتۋ جانە قايتا جاڭارتۋ قوسىمشا 2~2،5 ملن شارشى مەتر تۇرعىن جانە كوممەرسيالىق الاڭدى ورتالىقتاندىرىلعان جىلۋ جۇيەسىمەن قامتاماسىز ەتەدى.

ءۇشىنشى جىلۋ ەلەكتر ورتالىعىنىڭ ءبىرىنشى كەزەگىن سالۋ قالانىڭ باتىس جانە سولتۇستىك بولىگىنىڭ جىلۋمەن قامتاماسىز ەتەدى. ال قۋاتتىلىعى ساعاتىنا 418 گكال ءۇشىنشى جىلۋ ەلەكتر ورتالىعىنىڭ ەكىنشى كەزەگىن سالۋ مەملەكەتتىك-جەكەشەلىك ارىپتەستىك تەتىگى ارقىلى جوسپارلانادى.

سونداي-اق، 110 كۆ ءۇش قوسالقى ستانسياسىن سالۋدى جانە كابەلدىك جەلىگە قايتا جايلاستىرۋمەن 110 كۆ اۋا جەلىلەرىن قايتا جاڭارتۋدى كوزدەيدى. بۇل لرت، مىڭجىلدىق اللەياسى، جەلەزنودوروجنىي كەنتىن ەلەكترمەن قامتۋعا، قالانىڭ وڭتۇستىك-باتىس بولىگىندە جۇكتەمەنى تومەندەتۋگە مۇمكىندىك بەرەدى.

گازداندىرۋ بويىنشا ءبىرىنشى كەزەڭدە 2021 جىلعا قاراي جىلۋ ەلەكتر ورتالىقتارىنداعى سۋ جىلىتقىش جانە شاعىن جەكە قازاندىقتاردى، سونداي-اق ءتۇرعىن-ۇي القاپتارىن (كوكتال، وڭتۇستىك-شىعىس، شۇبار، Family Village، Garden Village، ءوندىرىس، اگروقالاشىق، جەلەزنودوروجنىي، پريگورودنىي، تەلمان تۇرعىن الاپتارى) گاز وتىنىنا اۋىستىرۋ جوسپارلانادى. بۇل زياندى زاتتار شىعارىندىلارىن 30 پروسەنتكە تومەندەتۋگە مۇمكىندىك بەرەدى.

ەلباسىنىڭ تاپسىرماسىن ورىنداۋ ماقساتىندا ەسىل وزەنىنىڭ ارناسىن ءارى قاراي رەكونسترۋكسيالاۋ جۇمىسىن كۇشەيتۋ جوسپارلانادى (12 ۋچاسكەلەر).

بۇدان باسقا، تۇرعىنداردىڭ ءومىر ءسۇرۋ ساپاسىن ارتتىرۋ ماقساتىندا، قالانىڭ كەز-كەلگەن تۇرعىن اۋدانىنان 20 مينۋتتىق قادامدىق قولجەتىمدىلىكتى قامتاماسسىز ەتەتىن ساياباقتار مەن گۇلزارلار سالۋ جوسپارلانادى.

باقىت سۇلتانوۆ الداعى 5 جىلدا استانا بۇدان دا كوركەيىپ، گۇلدەنە تۇسەدى دەيدى. ونىڭ ايتۋىنشا، 2023 جىلعا قاراي 10 ملن شارشى مەتر تۇرعىن ءۇي سالىنادى. سونداي-اق 37 مەكتەپ پەن  6 بالاباقشا  جانە 15 دەنساۋلىق نىسانىن سالۋ كوزدەلگەن. بۇدان باسقا قالانىڭ كەز كەلگەن اۋدانىندا تۇرعىن ۇيدەن 20 مينۋتتىق جەردە ساياباقتار مەن گۇلزارلار سالۋ دا جوسپارى بار. ايتا كەتەيىك، بۇل كەشەندى جوسپاردى ازىرلەۋ ەلباسى تاپسىرماسى.