ايگىلى قازاق اكتەرى ەرىك جولجاقسىنوۆتىڭ قىزى امەريكا كينويندۋسترياسىن باعىندىرۋعا بەل بۋدى. 2015 جىلدان باستاپ جاس اكتريسا حورلان جولجاقسىنوۆا اقش-تا جالعىز عانا ماقساتپەن تۇرىپ جاتىر – اكتريسا ماماندىعىن وقىپ شىعۋ جانە الەمدىك كينوعا ءتۇسۋ.
تۋرا سول جىلى جاس اكتريسا نيۋ-يورك كينواكادەمياسىنا وقۋعا (New York Film Academy - NYFA) ءتۇستى، سول جەردە كاسىبي اكتەرلىك شەبەرلىگىن ۇشتادى. حورلان كينو اكتەرى ماماندىعى بويىنشا اسەم ونەرلەر ماگيسترىنىڭ دارەجەسىن الدى. ول ءوز ماقساتىنا جەتتى. ەندى وعان امەريكاندىق كينوارمان – گولليۆۋدتىڭ ەڭ جوعارعى شىڭدارىن باعىندىرۋ عانا قالدى.
ونىڭ ەڭ العاشقى قادامدارى ايتارلىقتاي جەمىستەرىن دە بەرە باستادى. حورلان لوس-اندجەلەستە ايگىلى امەريكاندىق ءانشى جانە اكتەر كريس براۋننىڭ بەينەكليپىنە دە ءتۇسىپ ۇلگەردى.
ءقازىر جاس اكتريسا كاسىبي تۇردە ۆوكالمەن اينالىسۋدا جانە ايگىلى امەريكاندىق ارتىسپەن دۋەت بولىپ ءان شىرقاماقشى. ءبىراق بۇل تۋرالى جاڭالىقتى 2019 جىلعى قاڭتاردىڭ باسىندا حورلان ءوزى تولىعىراق ايتىپ بەرەدى. بۇل وقيعا شىنىمەن اكتريسا ونەرىنىڭ جانكۇيەرلەرى ءۇشىن توسىن سىي بولماق.
ايتپاقشى، حورلان ءوز ۋاقىتىندا دومبىرا سىنىبى بويىنشا مۇقان تولەبايەۆ اتىنداعى مۋزىكالىق مەكتەپتى اياقتاعانى بەلگىلى.
ايتا كەتەتىن تاعى ءبىر جاڭالىق، جاقىن ارادا 2018 جىلدىڭ قىركۇيەگڭندە قىسقامەتراجدى فيلمدەردىڭ كانن كينوفەستيۆالى وتكەن ەدى (http://www.cannes-shorts.com/festival/). ءبىزدىڭ كەيىپكەر پروديۋسەرلەگەن «ميا» ءفيلمى اتالعان كينوفەستيۆال بارىسىندا ون مىڭ فيلم اراسىنان ىرىكتەلىپ، ول جەردە 4 كۇن ىشىندە 60 ەڭ كۇشتى قىسقا مەتراجدى فيلمدەر اراسىندا كورسەتىلدى. ايتپاقشى، حورلان اتالعان فيلمدە باستى ءرولدى سومدادى جانە فيلم سەنارييىندەگى تاريح اۆتورى دا ءوزى بولدى.
وسىنىڭ الدىندا جاس باستاۋىش اكتريساعا ۇلكەن ساتتىلىك اكەلگەن «ايشا» مەن «جارىق» تەلەحيكايالارىندا حورلان باستى رولدەردى سومداپ، قازاقستاندا ءبىرشاما اتاقتى بولعانىن ەستەرىڭىزگە سالا كەتەيىك.
حورلان سونداي-اق 2017 جىلعى قاراشادا الەمدىك پىشىندەگى جۇلدىزداردىڭ قاتىسۋىمەن وتكەن «لوس-اندجەلەستەگى قازاقستان مادەنيەتى جانە كينو كۇنىنىڭ» جۇرگىزۋشىسى بولدى.
سالتاناتتى ءىس-شارا ول كەزدە تالانتتى قازاقستاندىق مۋزىكانتتار مەن انشىلەردىڭ شىعۋىمەن ەرەكشەلەندى، ولاردىڭ اراسىندا ديماش قۇدايبەرگەن دە بولدى. امەريكا جەرىندەگى قازاقستاندىق مادەنيەت پەن كينو فەستيۆالىن وتكىزۋ اقش-تاعى قازاقستان ەلشىلىگىنىڭ، ق ر مادەنيەت جانە سپورت مينيسترلىگىنىڭ، سونداي-اق ق ر كينەماتوگرافيالىق ونەر جانە عىلىم اكادەمياسىنىڭ ارقاسىندا مۇمكىن بولدى.
«لوس-اندجەلەستەگى قازاقستان مادەنيەتى جانە كينو كۇنى» ءىس-شارا پروديۋسەرلەرى كەشتىڭ جۇرگىزۋشىسى رەتىندە كوپتەگەن ۇمىتكەرلەر اراسىنان حورلاندى تاڭداۋلارىنا ونىڭ قازاقستانداعى ەكى ءساتتى جوباداعى باستى رولدەرى سەپتىگىن تيگىزۋى ابدەن مۇمكىن.
«ماقسات، تاباندى ەڭبەك جانە تالانت كەز كەلگەن ساتتىلىككە قول جەتكىزۋ ءۇشىن نەگىزگى قاسيەتتەر بولىپ تابىلادى. كينودا ۇلكەن جەتىستىكتەرگە جەتكىم كەلەدى جانە ءبىزدىڭ ەلدى شەتەلگە ايگىلى ەتسەم دەگەن ارمانىم بار»، - دەپ جاس اكتريسا ءوز سەزىمىن جاسىرمادى.
حورلان اكتەرلەر وتباسىنان شىققانىنان قاراماستان، مەلپومەندەر مۋزاسىنا قىزمەت ەتۋدى بىردەن تاڭداعان جوق بولاتىن.
قازاقستان-بريتان تەحنيكالىق ۋنيۆەرسيتەتىندە قارجى ماماندىعى بويىنشا جوعارعى ءبىلىم الىپ، ول وسى سالادا كىشكەنە ۋاقىت جۇمىس ىستەدى. تەك سوسىن عانا جاس قىز ءوزىنىڭ كۇشىن كينودا كورۋگە بەل بۋادى. ءبىرىنشى ارەكەتى ءساتتى بولىپ شىقتى. «ايشا» تەلەحيكاياسىنا ءتۇسىپ، حورلان ول ءوزىنىڭ ءبىرىنشى جەمىسىن كوردى، فيلم وتاندىق كيونجوبانىڭ ءحيتى بولىپ شىعا كەلدى.
ۋاقىتتى بەكەر وتكىزبەي، تۇسىرىلىمدەر اراسىندا حورلان ءوز وقۋىن جالعاستىرا بەردى. بۇل جولى قارجىگەر ءبىلىمىن الدى، ءبىراق لوندوندا. ءبىرىنشى جوباداعى ساتتلىكتەن كەيىن 2013 جىلى حورلان رەجيسسەر ەرمەك شىناربايەۆتىڭ «دالا داۋىسى» ءفيلمىنىڭ باستى رولىنە بەكىتىلدى. بۇل فيلمدە ايگىلى فرانسۋز اكتەرى جەرار دەپاردە دە تۇسەدى. وكىنىشكە وراي، بەلگىلى جاعدايلارعا بايلانىستى، حورلان ءفيلمنىڭ تۇسىرىلىمدەرىنە قاتىسا المادى. دەگەنمەن، ونى الەمدىك جۇلدىزبەن تەڭەستىرىپ، بەكىتتى دەگەن فاكتىنىڭ ءوزى ونى ودان دا بيىك شىڭدار مەن ارماندارعا جەتەلەي ءتۇستى. جاس اكتريسا گولليۆۋدتى باعىندىرۋعا بەت بۇردى.
حورلان اياق استى رەجيسسەر باحتيار سەيتكازييەۆتىڭ «جارىق» جاڭا تەلەحيكاياسىندا باستى ءرولدى سومداۋ جونىندە ۇسىنىسىن الدى. ول ءۇشىن قورلان ءبىراق ۋاقىتقا ءوز وتانىنا ورالۋعا ءماجبۇر بولدى. كەيىنىرەك، «جارىق» تەلەحيكاياسى ەلىمىزدىڭ باستى ارناسى – «قازاقستاننان» كورسەتىلدى. بۇل حورلان ءۇشىن كەزەكتى ءساتتى قۋانىشى ەدى. ول ءوز وتانىندا ودان دا تانىمال بولا شىقتى.
جاقىن ارادا حورلان كورەرمەندەرىن ءوزىنىڭ جاڭا جوبالارىمەن قۋانتاتىنىنا تولىق سەنىم بار، ونى ايگىلى كينوپروديۋسەرلەر بايقاپ، ءساتتى گولليۆۋد بلوكباستەرلەرىنە تۇسۋگە شاقىرادى دەگەن زور سەنىم بار. سول ارقىلى ءوز وتانىندا الەمدىك دەڭگەيدەگى قازاقتان شىققان تاعى ءبىر جارىق جۇلدىز – حورلان كينو عاجابى پايدا بولادى دەگەن سەنىم زور.
