ەلىمىزدە تۋريستىك پوليسيا قۇرىلۋى مۇمكىن. ق ر ىشكى ىستەر مينيسترلىگى «تۋريستىك پوليسيانى» قۇرۋدى ۇسىندى. بۇل جايىندا ماجىلىستەگى ۇكىمەت ساعاتىندا ق ر ءىىم كوشى-قون قىزمەتى كوميتەتىنىڭ ءتوراعاسى مۇرات قابدەنوۆ ءمالىم ەتتى.

ونىڭ ايتۋىنشا، ءقازىر وتاندىق ماماندار حالىقارالىق تاجىريبەنى زەرتتەپ جاتىر. ويتكەنى ەلىمىزدە ەحرو 2017 نەمەسە ازيا ويىندارى سياقتى اۋقىمدى شارالار ءجيى وتەدى. جىل سايىن ەلىمىزگە ارنايى كەلەتىن ساياحاتشىلاردىڭ سانى دا ارتىپ كەلەدى. سوندىقتان شەتەلدىك ازاماتتارمەن جۇمىس جاسايتىن ءتارتىپ ساقشىلارىن قالىپتاستىرۋ قاجەتتىلىگى تۋىنداپ وتىر. قۇزىرلى كوميتەت وكىلدەرى ءقازىر مادەنيەت جانە سپورت مينيسترلىگىمەن بىرىگە وتىرىپ، تۋريزم سالاسىن دامىتۋدىڭ باعدارلاماسىن ازىرلەۋدە. ونىڭ ىشىندە تۋريستىك پوليسيا قۇرۋ ماسەلەسى دە بار.

«ءقازىر تۋريستىك سالانى قولداۋ بويىنشا مەملەكەتتىك باعدارلامانى ازىرلەۋ جونىندە مادەنيەت جانە سپورت مينيسترلىگىمەن تىعىز بايلانىستا جۇمىس ىستەپ جاتىرمىز. وسى ورايدا بولاشاقتا «تۋريستىك پوليسيانى» قۇرۋ باعىتى تاقىلانۋدا. ولار تۋريستەرمەن تىكەلەي جۇمىس ىستەيدى. بۇل تۇرعىدا ءتيىستى قىزمەتتەر ەسكەرىلمەك. اتاپ ايقاندا، بۇگىندە حالىقارالىق تاجىريبەنى زەردەلەۋدەمىز»، - دەدى م. قابدەنوۆ.

ەڭ الدىمەن دەپۋتات يرينا سميرنوۆا ىىم-گە قۇقىق قورعاۋ ورگاندارى قىزمەتكەرلەرى تۋرالى تۋريستەر اراسىندا جاعىمسىز پىكىر قالىپتاسقانى تۋرالى ساۋالىن جولدادى.

«ارينە، ءتۋريزمدى دامىتۋ ءۇشىن كوپ ماسەلە شەشىمىن تابۋى ءتيىس. سىرتتان كەلەتىن تۋريستەر ءۇشىن اۋەجاي مەن ۆوكزالعا كەلىپ تۇسكەننەن، ەلىنە كەتكەنگە دەيىنگىنىڭ ءبارى ماڭىزدى. قۇقىق قورعاۋ قۇرىلىمىنىڭ قىزمەتىنە قاتىستى تۋريستەر ۇشىرايتىن كەدەرگىلەر تۋرالى جاعىمسىز پىكىرلەرگە ءجيى كۋا بولامىز. بۇل ماسەلە ءوزارا قاتىناس پەن تۇسىنىستىككە بايلانىستى بولىپ وتىر. ءىىم قۇقىق قورگاۋ ورگاندارى قىزمەتكەرلەرىنىڭ مادەنيەتىن، ەتيكاسى مەن ءستيلىن قالىپتاستىرۋدا قانداي شارالار قابىلداپ جاتىر؟» - دەپ سۇرادى دەپۋتات ءىىم وكىلىنەن.

سونىمەن قاتار دەپۋتاتتار تاراپىنان كەلەتىن تۋريستەرگە قاتىستى قۇقىققورعاۋ ورگاندارى قىزمەتكەرلەرىنىڭ ادەبى مەن مادەنيەتى بويىنشا كوتەرىلىپ جۇرگەن سىني پىكىرلەر تۋرالى سۇراق قويىلدى.

«قۇقىققورعاۋ قۇرىلىمدارىنىڭ قىزمەتى تۋرالى كەيبىر تەرىس پىكىرلەرگە توقتالىپ وتەيىن. شىنىمەن دە، وسىنداي جاعدايلار ورىن العان، الايدا ول جاپپاي سيپاتقا يە ەمەس. پوليسەيلەر جول بەرگەن جەكەلەي بۇزۋشىلىقتار بويىنشا وزىندىك قاۋىپسىزدىك دەپارتامەنتى قىزمەتتىك تەكسەرۋ جۇرگىزەدى. بۇل رەتتە قىزمەتكەرلەر تارتىپتىك جاۋاپكەرشىلىككە تارتىلادى. نەگىزىنەن، تەرىس پىكىرلەرگە قاراعاندا، قىزمەتكەرلەردىڭ قىزمەتىنە قاتىستى وڭ كوزقاراستىڭ ۇلەسى باسىم»، - دەدى مۇرات قابدەنوۆ.

ءىىم كوشى-قون قىزمەتى كوميتەتىنىڭ ءتوراعاسى مۇرات قابدەنوۆ پوليسەيلەردىڭ جۇمىسىنا قاتىستى جەكەلەگەن جاعىمسىز پىكىرلەر بارىن مويىندادى.

«قۇقىق قورعاۋ قۇرىلىمىنىڭ قىزمەتى تۋرالى جاعىمسىز پىكىرلەرگە قاتىستى ايتار بولساق، ءيا، مۇنداي جاعدايلار بولۋى مۇمكىن. ءبىراق بۇل جاپپاي سيپات الىپ وتىر دەۋگە كەلمەيدى. پوليسەيلەر جىبەرەتىن بۇزۋشىلىقتارعا قاتىستى ءىىم، سونىڭ ىشىندە جەكە قاۋىپسىزدىك دەپارتامەنتى قىزمەتتىك تەرگەۋ جۇرگىزىپ جاتىر. سوعان سايكەس قىزمەتكەرلەر تارتىپتىك جاۋاپكەرشىلىككە تارتىلادى»، - دەدى ول.

مۇرات قابدەنوۆ تۋريستەرمەن تىكەلەي جۇمىس ىستەيتىن ارنايى پوليسيا قىزمەتىن قۇرۋ باستاماسى زەردەلەنىپ جاتقانىن اتاپ ءوتتى.

«جاعىمسىز پىكىرلەرگە قاراعاندا جاقسى پىكىرلەر كوپ. ەكسپو-2017 حالىقارالىق كورمەسى مەن الماتىداعى ازيا ويىندارى سەكىلدى شارالار پوليسيانىڭ شەتەل ازاماتتارىنا جەتكىلىكتى جارەجەدە قىزمەت كورسەتەتىنىن دالەلدەدى. بۇگىندە مەملەكەت باسشىسىنىڭ قۇقىق قورعاۋ جۇيەسىن جاڭعىرتۋ اياسىنداعى تاپسىرماسى بويىنشا ۇلكەن جۇمىس اتقارىلىپ جاتىر. ورتالىق كوممۋنيكاسيالار قىزمەتىندە ىشكى ىستەر ءمينيسترى ەسەپ بەرگەندە ىشكى ىستەر ورگاندارىنداعى كادرلاردى ىرىكتەۋ جۇيەسى تولىقتاي قايتا قارالاتىنىن ايتتى. ءقازىر ءبىز تۋريزم سالاسىن قولداۋ مەملەكەتتىك باعدارلاماسىنا سايكەس مادەنيەت جانە سپورت مينيسترلىگىمەن تىعىز جۇمىس ىستەپ جاتىرمىز. ءبىرقاتار ماسەلەلەردى ايتتىق. سونىڭ ءبىرى – تۋريستەرمەن تىكەلەي جۇمىس ىستەيتىن تۋريستىك پوليسيانى قۇرۋ. وندا بەلگىلەنگەن فۋنكسيالارى بار. ءقازىر حالىقارالىق تاجىريبەنى زەرتتەپ جاترمىز»، - دەدى ول.

مادەنيەت جانە سپورت ءمينيسترى ارىستانبەك مۇحامەدي ۇلى ءتۋريزمدى دامىتۋ ءۇشىن تۋريستىك پوليسيا قىزمەتىن قۇرۋ قاجەت بولىپ وتىرعانىن، بۇل باستامانى قولدايتىنىن ايتتى.