الەمدىك فۋتبولدا ويىپ تۇرىپ ورىن الاتىن اتى دارداي كريشتيانۋ رونالدۋ مەن امەريكالىق سانبيكە كەترين مايورگانىڭ اراسىنداعى داۋ ءالى كۇنگە دەيىن شەشىمىن تاپپاي، ودان سايىن شيەلەنىسە ءتۇستى. جاقىندا رونالدۋ ادام سەنگىسىز مالىمدەمە جاسادى. "يۋۆەنتۋس" فۋتبول كومانداسى مەن پورتۋگاليا ۇلتتىق قۇراماسىنىڭ ويىنشىسى وزىنە جابىلعان جالا بۇرىنعى كومانداسى "رەال ءمادريدتىڭ" قاستاندىعى ەكەنىن ايتتى دەپ جازادى Qamshy.kz اقپارات اگەنتتىگى.
ايتا كەتسەك "رەال مادريد" فۋتبول كلۋبى مەن رونالدۋدىڭ اراسىنداعى تۇسىنىسپەۋشىلىك جەلتوقسان ايىنان باستالعان بولاتىن. بۇعان "رەال مادريد" فۋتبول كلۋبىنىڭ سالىققا قاتىستى ماسەلەسى كەزىندە رونالدۋعا قولداۋ كورسەتپەۋى سەبەپ بولدى. كەيىن فۋتبولشى ءوز ەركىمەن "يۋۆەنتۋس" فۋتبول كلۋبىنا اۋىستى. رونالدۋ "رەال مادريدتە" 9 جىل بويى 292 ويىندا ونەر كورسەتىپ 311 گول سالعان. كەتەر الدىندا رونالدۋ ءوزىنىڭ جانكۇيەرلەرىنە "بۇل مەنىڭ قالاۋىم، ماعان تۇسىنىستىكپەن قارايسىزدار دەپ ۇمىتتەنەمىن"، - دەپ مالىمدەمە جاسادى.
"يۋۆەنتۋس" فۋتبول كلۋبىنان كەتكەننەن كەيىن "رەال مادريدتە" رونالدۋدىڭ ورنىن كىم الماستىرادى دەگەن سۇراق پايدا بولدى؟ "رەال مادريد" فۋتبول كلۋبى كريشتيانۋ رونالدۋ كەتكەننەن كەيىن ونىڭ ورنىن الماستىراتىن ويىنشى ىزدەي باستادى. ءبىراق اۋىز تولتىرىپ ايتاتىن ويىنشى كوزگە تۇسپەدى.
ال جاقىندا كۇتپەگەن جەردەن امەريكالىق سانبيكە كەترين مايورگا 9 جىل بۇرىنعى جايتتى نەگىزگە الىپ، "رونالدۋ مەنى زورلادى"، - دەپ اشىق مالىمدەمە جاسادى. بۇعان دەيىن بۇل جايتتى ايتپاۋىنا رونالدۋدىڭ بەرگەن اقشاسى سەبەپ بولىپتى. كەيىن امەريكالىق بيكەشتىڭ ادۆوكاتى "ماعان رونالدۋدىڭ زورلىق كورسەتكەنىن ايتىپ بىرنەشە قىز حابارلاستى"، دەپ مالىمدەپ، رونالدۋدىڭ جالعىز كەترين مايورگاعا ەمەس، تاعى بىرنەشە قىزعا زورلىق كورسەتكەنىن ايتقان.
ال تانىمال فۋتبولشى ماراپاتتاۋلاردىڭ بولماۋىنا، «قىز زورلادى» دەگەن جالانىڭ ورشۋىنە جانە چەمپيوندار ليگاسىنان شەتتەتىلۋىنە "رەال مادريد" كلۋبىنىڭ پرەزيدەنتى فلورەنتينو پەرەستىڭ قاتىسى بار ەكەنىنە سەنىمدى. فۋتبولشىنىڭ سوزىنە سۇيەنسەك، رەال ءمادريدتىڭ پرەزيدەنتى بۇل قاستاندىقتى ادەيى جاساپ وتىر.
سونىمەن بىرگە ول يۋۆەنتۋس كومانداسىنىڭ ويىندارىنا تولىق دايىندالا الماي وتىرعانىنا قاپالى ەكەنىن جەتكىزدى.
ال يۋۆەنتۋس كومانداسىنىڭ باسپا ءسوز حاتشىسى تانىمال فۋتبولشىنىڭ باسىنا تۇسكەن بۇل جايتقا بايلانىستى بىلاي دەپ پىكىر ءبىلدىردى:
«كريشتيانۋ رونالدۋ سوڭعى ايلاردا ءوزىنىڭ كاسىبيلىگى مەن ءوز ىسىنە بار جان-تانىمەن بەرىلگەندىگىن كورسەتە ءبىلدى. مۇنداي قاسيەتتەردى «يۋۆەنتۋس» باعالاي بىلەدى. ون جىل بۇرىنعى وقيعا ءبىزدىڭ تانىمال فۋتبولشىعا دەگەن كوزقاراسىمىزدى وزگەرتپەيدى. ۇلى چەمپيونمەن ارالاساتىن، جاقسى تانيتىن ادامداردىڭ بارلىعى وسىنداي پىكىردە».
