استانا قالاسى «سارىارقا» اۋدانى ءىىب كريمينالدىق پوليسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا قالا اۋماعىندا بالالار ارباسىن ۇرلادى دەگەن كۇدىكپەن 24 جاستاعى قىزدى ۇستادى.

ول قالالىق ەمحانا دالىزدەرىندەگى اربالاردى جىمقىرىپ وتىرعان. ۇستالعان ادامنىڭ 4 اربانى ۇرلاعانى انىقتالدى. كۇدىكتى قىمبات اربانى جىمقىرىپ، ونى دوستارى مەن تانىستارىنا سىيعا تارتىپ وتىرعان. كۇدىكتى ءوز كىناسىن مويىندادى. ۇرلانعان اربالار يەلەرىنە قايتارىلدى.

ق ر قك-نىڭ 188-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. ونىڭ قالا اۋماعىندا جاسالعان وسىعان ۇقساس باسقا قىلمىستارعا دا قاتىستىلىعى تەكسەرىلۋدە. استانا قالاسىنىڭ ىشكى ىستەر دەپارتامەنتى اتالعان ادامنىڭ زاڭعا قايشى ارەكەتىنەن زارداپ شەككەن ازاماتتارعا اقبۇعا كوشەسى، 2 مەكەنجايى بويىنشا «سارىارقا» اۋدانى ىىب-گە نەمەسە تومەندەگى 8 (7172) 71-66-76، 71-66-74 نەمەسە 102 تەلەفوندارى بويىنشا حابارلاسۋىن سۇرايدى.