ورتالىق كوممۋنيكاسيالار قىزمەتىندە ق ر پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات ءجونiندەگi ۇلتتىق كوميسسيا مۇشەلەرى (بۇدان ءارى – ۇلتتىق كوميسسيا) جانە ق ر مادەنيەت جانە سپورت ۆيسە-مينيسترى «مەرەيلى وتباسى» ۇلتتىق كونكۋرسىن وتكىزۋ سۇراقتارىنا ارنالعان باسپا ءسوز كونفەرەنسياسى ءوتتى.

ءىس-شاراعا ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى، ق ر ورتالىق سايلاۋ كوميسسياسىنىڭ مۇشەسى ءلاززات سۇلەيمەن، ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسى، ق ر پارلامەنتى ءماجىلىسىنىڭ دەپۋتاتى باقىتبەك سماعۇل، قازاقستان رەسپۋبليكاسىنىڭ مادەنيەت جانە سپورت ۆيسە-مينيسترى اقتوتى رايىمقۇلوۆا قاتىستى.

ەلىمىز 2013 جىلدان بەرى جىل سايىن قىركۇيەك ايىنىڭ ەكىنشى جەكسەنبىسىندە «وتباسى كۇنى» مەيرامىن اتاپ وتەدى. مەملەكەت باسشىسىنىڭ وكىمىمەن جىل سايىن وتكىزىلەتىن «مەرەيلى وتباسى» ۇلتتىق كونكۋرسى (بۇدان ءارى – كونكۋرس) وسى اتاۋلى كۇنگە وراي مارەگە جەتەدى.

كونكۋرس وسىمەن بەسىنشى رەت وتكىزىلۋدە.

ۇلتتىق كوميسسيا ءتوراعاسىنىڭ ورىنباسارى، ورتالىق سايلاۋ كوميسسياسىنىڭ مۇشەسى ءلاززات سۇلەيمەن اتاپ وتكەندەي، بيىل ۇلتتىق كونكۋرسقا 2952 وتباسى قاتىستى، بۇل كورسەتكىش 2014 جىلى وتكەن العاشقى بايقاۋمەن سالىستىرعاندا 2،3 ەسەگە كوپ.

ءوزىنىڭ بەس جىلدىق تاريحىندا كونكۋرسقا 11 993 وتباسى قاتىسسا، ونىڭ 60 % (7172 وتباسى) اۋىلدىق جەردە تۇراتىن وتباسىلار. سونداي-اق، بارلىق قاتىسۋشىلاردىڭ 37 % (4479) كوپ بالالى وتباسىلار، 18% (2128) جاس وتباسىلار، 17% (2076) ەڭبەك اۋلەتتەرى جانە 7% (822) باسقا ۇلت وكىلدەرى.

ءوز كەزەگىندە مادەنيەت جانە سپورت ۆيسە-مينيسترى اقتوتى رايىمقۇلوۆا بريفينگكە قاتىسۋشىلارعا كونكۋرستىڭ اقتىق سىنىنا شىققان 16 وتباسى تۋرالى اڭگىمەلەپ بەردى. 

بۇگىندە ۇلتتىق كوميسسيا وتباسى تاربيەسىندەگى اكەنىڭ ءرولىن ارتتىرۋ، بالالاردىڭ بويىندا پاتريوتتىق سەزىمدى قالىپتاستىرۋدا اكەنىڭ ءرولىن نىعايتۋ ماسەلەسىنە  قوعامنىڭ نازارىن ارتتىرۋ، «رۋحاني جاڭعىرۋ» اياسىندا ۇرپاقتىڭ بىلىمگە قۇشتارلىعىن وياتۋ سياقتى جايتتارعا ەرەكشە نازار اۋدارۋدا. 

بۇل تۋرالى ۇلتتىق كوميسسيانىڭ مۇشەسى، پارلامەنت ءماجىلىسىنىڭ دەپۋتاتى باقىتبەك سماعۇل ايتىپ بەردى.

«مەرەيلى وتباسى» كونكۋرسىنىڭ فينالدىق كەزەڭىندە جەڭىمپازدى انىقتاۋعا سمس-حابارلار ارقىلى جانە kaztube.kz سايتىندا ينتەراكتيۆتى داۋىس بەرۋ ارقىلى ەلىمىزدىڭ بارلىق ازاماتتارى تىكەلەي قاتىسا الادى. 

داۋىس بەرۋ قورىتىندىسى 2018 جىلعى 8 قىركۇيەكتە «قازاقستان» وكز-دا وتەتىن سالتاناتتى جيىندا جاريالانادى. جەڭىمپازعا «مەرەيلى وتباسى» ۇلتتىق كونكۋرسىنىڭ لاۋرەات اتاعى بەرىلەدى.