بۇگىن الماتى قالاسى وڭىرلىك كوممۋنيكاسيالار قىزمەتىندە الماتى قالاسى بويىنشا «مەملەكەتتىك الەۋمەتتىك ساقتاندىرۋ قورىنىڭ» باسشىسى التىنبەكوۆا گۇلسارا اسىلبەك قىزىنىڭ قاتىسۋىمەن باسپا ءسوز كونفەرەنسياسى ءوتتى.
مىندەتتى الەۋمەتتىك ساقتاندىرۋ 2005 جىلدان باستاپ ەنگىزىلدى جانە الەۋمەتتىك تاۋەكەل تۋعان جاعدايدا جۇمىس ىستەيتىن ازاماتتاردى الەۋمەتتىك قورعاۋدىڭ قوسىمشا دەڭگەيى بولىپ تابىلادى.
مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر كەلەسى جاعدايلاردا:
- ەڭبەك ەتۋ قابىلەتىنەن ايىرىلۋ،
- اسىراۋشىسىنان ايىرىلۋ،
- جۇمىسىنان ايىرىلۋ،
- جۇكتىلىگىنە جانە بوسانۋىنا بايلانىستى،
- جاڭا تۋعان بالانى اسىراپ الۋ،
- بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تاعايىندالادى.
الەۋمەتتىك تولەمدەردىڭ مولشەرى الەۋمەتتىك اۋدارىمدار تولەنگەن اي سايىنعى تابىسقا بايلانىستى. الەۋمەتتىك اۋدارىمداردىڭ مولشەرلەمەسى الاتىن تابىستىڭ 3،5 % قۇرايدى. الەۋمەتتىك اۋدارىمدار تولەنەتىن ەڭ جوعارعى تابىس – اي سايىن 10 ەتج (ەڭ تومەنگى جالاقى)، ال ەڭ تومەن تابىس – 1 ەتج.
الماتى قالاسىندا 2018 جىلدىڭ 1 قاڭتارىنداعى جاعداي بويىنشا الەۋمەتتىك اۋدارىمدار 1 ملن. جۋىق ادامعا تولەندى. الەۋمەتتىك ساقتاندىرۋ جۇيەسى پايدا بولعاننان بەرى الماتى قالاسىندا الەۋمەتتىك تولەمدەر جالپى سوماسى 145 ملرد. تەڭگە كولەمىندە 390 مىڭ الۋشىلارعا تولەندى.
قۇنسىزدانۋ ۇردىستەرىنە بايلانىستى جىل سايىن ەڭبەك ەتۋ قابىلەتىنەن ايىرىلۋ جانە اسىراۋشىسىنان ايىرىلۋ جاعدايىنا بايلانىستى الەۋمەتتىك تولەمدەردىڭ مولشەرى ارتتىرىلادى. اعىمداعى جىلدىڭ 1 قاڭتارىنان باستاپ وسى الەۋمەتتىك تولەمدەردىڭ مولشەرى 16 % ارتتىرىلدى.
الماتى قالاسى بويىنشا 4 796 ەڭبەك ەتۋ قابىلەتىنەن ايىرىلۋ تولەمىن الۋشىلارعا جانە 2 372 اسىراۋشىسىنان ايىرىلۋىنا بايلانىستى تولەمدەرگە ارتتىرۋ جۇرگىزىلدى. ارتتىرۋ ناتيجەسىندە وسى تولەمدى الۋشىلاردىڭ جىل سايىنعى مولشەرى 20،6 ملن.تەڭگەگە ارتادى.
سونىمەن قاتار، 2018 جىلدىڭ 1 قاڭتارىنان باستاپ ايلىق ەسەپتىك كورسەتكىشتىڭ (اەك) وسۋىنە بايلانىستى، بالا 1 جاسقا تولعانعا دەيىن ونىڭ كۇتىمىنە بايلانىستى الەۋمەتتىك تولەمدەردىڭ ەڭ تومەنگى مولشەرى ارتتى.
390 مىڭ ادامعا 145 ملرد. تەڭگە كولەمىندە كومەك كورسەتىلگەن.
مۇنداي تىڭ اقپاراتتى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى بويىنشا «مەملەكەتتىك الەۋمەتتىك ساقتاندىرۋ قورىنىڭ» باسشىسى التىنبەكوۆا گۇلسارا اسىلبەك قىزى حابارلادى.
گۇلسارا اسىلبەك قىزىنىڭ ايتۋىنشا، الەۋمەتتىك اۋدارىمداردىڭ مولشەرى الاتىن تابىسىنىڭ 3،5 % قۇرايدى. بۇل رەتتە، الەۋمەتتىك اۋدارىمدار تولەنەتىن ەڭ جوعارعى تابىس ايىنا – 10 جتم (جالاقىنىڭ ەڭ تومەنگى مولشەرى)، ال تومەنگى تابىس – 1 جتم.
قازاقستان رەسپۋبليكاسىندا 2018 جىلدىڭ 1 قاڭتارىنداعى جاعداي بويىنشا 6 ملن. جۋىق ادام ءۇشىن الەۋمەتتىك اۋدارىمدار تولەنگەن. ال الماتى قالاسى بويىنشا بۇل كورسەتكىش 1 ملن. جۋىق.
2005 جىلدىڭ 1 قاڭتارىنان باستاپ قوردان الەۋمەتتىك قاتەرلەردىڭ 3 ءتۇرى بويىنشا الەۋمەتتىك تولەمدەر تولەنەدى:
- ەڭبەك ەتۋ قابىلەتىنەن ايىرىلۋى بويىنشا،
- اسىراۋشىسىنان ايىرىلۋى،
- جۇمىسىنان ايىرىلۋى بويىنشا.
مەملەكەت باسشىسىنىڭ قازاقستان حالقىنا ارناعان «جاڭا الەمدەگى جاڭا قازاقستان» اتتى جولداۋىن جۇزەگە اسىرۋ اياسىندا، 2008 جىلدىڭ 1 قاڭتارىنان باستاپ انا مەن بالانى مىندەتتى الەۋمەتتىك ساقتاندىرۋ ەنگىزىلدى. وسىعان بايلانىستى قوردان:
- جۇكتىلىگىنە جانە بوسانۋىنا؛
- جاڭا تۋعان بالانى (بالالاردى) اسىراپ الۋىنا؛
- ءبىر جاسقا دەيىنگى بالا كۇتىمىنە بايلانىستى تابىسىنان ايىرىلۋى
جاعدايلارىنا الەۋمەتتىك تولەمدەر تاعايىندالادى.
جالپى العاندا مىندەتتى الەۋمەتتىك ساقتاندىرۋ جۇيەسى ەنگىزىلگەننەن باستاپ قازاقستاندا 4 ملن. اسا ادام قوردان جالپى سوماسى 1 ترلن. تەڭگەدەن اسا سوماعا الەۋمەتتىك تولەمدەر الدى.
الماتى قالاسىندا 390 مىڭعا جۋىق الۋشىعا 145 ملرد. تەڭگەدەن اسا سوماعا الەۋمەتتىك تولەمدەر تولەنگەن.
بىرنەشە جىلدار بويى تولەنەتىن الەۋمەتتىك تولەمدەردىڭ ۇزاق مەرزىمدى ەكى ءتۇرى بار. مىسالى، ەڭبەك ەتۋ قابىلەتىنەن ايىرىلۋى جاعدايىنا الەۋمەتتىك تولەمدەر ادام ەڭبەك ەتۋ قابىلەتىن قالپىنا كەلتىرگەنشە، نە زەينەتتىك جاسقا جەتكەنشە تولەنەدى. ال اسىراۋشىسىنان ايىرىلۋى جاعدايىنا تولەمدەر – اسىراۋىنداعى بالالار كامەلەتتىك جاسقا تولعانشا نەمەسە كۇندىزگى بولىمدە وقيتىن ستۋدەنتتەرگە 23 جاسقا دەيىن تولەنەدى-دەپ ءسوزىن اياقتادى «مەملەكەتتىك الەۋمەتتىك ساقتاندىرۋ قورىنىڭ» باسشىسى گ.التىنبەكوۆا.
