ادام بالاسى ءۇشىن ەڭ اياۋلى، ەڭ قاستەرلى، ءقادىرلى ءسوز – انا. بالا دۇنيەگە كەلگەن كۇنىنەن باستاپ ءوزىنىڭ جۇمساق الاقانى، جىلى ءجۇزى، ىستىق قۇشاعى مەيىرىم تولى كوزقاراسى ارقىلى بارلىق سۇيىسپەنشىلىك، مەيىرىمدىلىك ماحابباتىن بەرە بىلگەن انالار ءۇشىن جەر دۇنيەنى مەكەندەگەن ادامزات قاۋىمى ءبىر كۇندى مەيرام ەتىپ بەلگىلەگەن.   

     قازاقستاندا دا ەلباسى 2012 جىلى انا كۇنى جاريالاۋ جايلى ۇسىنىس ايتىپ، بەكىتكەن بولاتىن. بۇگىندە الەمنىڭ 50-دەن استام ەلىندە اتالىپ وتەتىنىن مەرەكەنى قىركۇيەك ايىنىڭ ءۇشىنشى دەمالىسىنا بەلگىلەگەن. ياعني، بيىل 16 قىركۇيەك – انالار كۇنى.

   ماقسات – ۇرپاقتى انالارعا دەگەن سۇيىسپەنشىلىككە باۋلۋ، انانىڭ قوعامداعى ورنىن، ەڭ قۇدىرەتتى جان ەكەنىن ۇعىندىرىپ، بالالاردى مەيىرىمدىلىككە، انالاردىڭ ولشەۋسىز ەڭبەگىن باعالاي بىلۋگە ۇيرەتۋ. اناسىن ءسۇيۋ ارقىلى ەلىنە، جەرىنە دەگەن سۇيىسپەنشىلىگىن ارتتىرۋ. دۇنيەدەگى جاقسىلىق اتاۋلىنىڭ ءبارى كۇننىڭ نۇرىنان، انانىڭ مەيىرىمىنەن تارايتىنىن ۇعىندىرۋ.

     قازىرگى تاڭدا ايەلدەر قاۋىمى مەملەكەتتىك جانە قوعامدىق ىستەرگە بەلسەنە ارالاسىپ، ءتۇرلى سالادا تابىستى ەڭبەك ەتۋدە. ولار ەر ازاماتتارمەن قاتار ەڭبەككە بەلسەنە ارالاسىپ، وزدەرىنىڭ بىلىكتىلىگىمەن، قابىلەت دارىنىمەن، ىسكەرلىگىمەن كوزگە ءتۇسىپ، مەملەكەتىمىزدىڭ وسىپ-وركەندەۋىنە لايىقتى ۇلەستەرىن قوسۋدا. ەلباسى ن.ءا.نازاربايەۆ: «قوعامنىڭ دامۋ بارىسىن ومىردە – نازىك، كوڭىلدە – بيىك، ال ىستە – مىعىم ايەلدەر قاۋىمىنسىز كوزگە ەلەستەتۋ مۇمكىن ەمەس» دەگەن بولاتىن. 

    سونىڭ ءبىر جارقىن دالەلى  -  «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىندا جۇمىس ىستەيتىن 1533 قىزمەتكەردىڭ 773ء-ى ايەلدەر. ولار – بۇگىنگى انالار مەن بولاشاق انالار. ەشقاندايدا قىزمەت، اتاق-ابىروي ايەل ءۇشىن “انا” دەگەن سوزدەن ارتىق ەمەس.

    ولار وزدەرى انا بولعاندىقتان، انالار جاعدايىن جاقسى تۇسىنەدى. انالارعا ارنالعان قىزمەت تۇرلەرىن بارىنشا جەتىلدىرىپ، انالارعا وڭتايلى بولۋ جاعىنا ءوز ۇلەسىن قوسىپ ءجۇر.

   ماسەلەن، «ازاماتتارعا ارنالعان ۇكىمەت» انالار ءۇشىن جىل باسىنان بەرى پرواكتيۆتى قىزمەت تۇرلەرىن ۇسىنۋدا. ۇسىنىلعان قىزمەت بويىنشا، جىل باسىنان بەرى بوسانعان 22409 انانىڭ 19294ء-ى موبيلدىك ۇكىمەتكە تىركەلگەن.  ولاردىڭ  6786-ى قىزمەتتى پرواكتيۆتى تۇردە الۋعا نيەت بىلدىرگەن. ناتيجەسىندە 5345 بالانىڭ تۋۋ تۋرالى كۋالىگىن، 870 جاردەماقىنى جانە 1883 بالاباقشا كەزەگىنە قويۋدى پرواكتيۆتى تۇردە جۇزەگە اسىرعان.

سونداي-اق، كورپوراسيا ارقىلى قالاداعى 9139  كوپ بالالى اناعا جاردەماقى تولەنىپ وتىر. ولاردىڭ ىشىندە 4453ء-ى «التىن القا»، «كۇمىس القا» جانە ت.ب. بەلگىلەردىڭ يەگەرلەرى. كوڭىل شۋاعىنا مەيىرىم توگىلگەن اياۋلى جاننىڭ ومىردەن الار نەسىبە جەمىسى التىن بوساعاسى مەن سۇيكىمدى پەرزەنتى.

دۇنيەدە ەڭ كەمەنگەر دانانى،
انا تابادى ايالايدى باعادى.
سول ءۇشىن دە قۇدىرەتىنە باس ءيىپ،
قۇرمەتتەيىك قاسيەتتى انانى.\

جەر بەتىندەگى تىرشىلىكتىڭ وزەگىن كەلەشەككە جالعاعان، وسەر ۇرپاعىنا ىزگىلىكتىڭ ءدانىن سەپكەن انالار مەرەكەسى  قۇتتى بولسىن!