الماتىنىڭ «الاتاۋ» ءداستۇرلى ونەر تەاترىندا "انا ءتىلىم - ارداعىم" اتتى اۋقىمدى ءىس-شارا ءوتتى. دۋماندى كەشتە مەملەكەتتىك ءتىل ساياساتىن دامىتۋدا جىل بويى بەلسەندى اتسالىسىپ جۇرگەن ماماندار ماراپاتقا يە بولدى. سىيلىقتى قالا اكىمىنىڭ ورىنباسارى ارمان قىرىقبايەۆ تاپسىردى.
ايتا كەتەيىك، ءتيىستى باسقارما جالپى ەتنوبىرلەستىكتەر، جاستار مەن تىلشىلەر اراسىندا ءتۇرلى بايقاۋلار ۇيىمداستىرىپ تۇرادى. جىل باسىنان بەرى وسى تەكتەس جارىسقا 400-دەن اسا ادام قاتىسقان. بايقاۋدى ۇيىمداستىرۋ ماقساتىندا 150-گە جۋىق ادام ۋاقىتشا جۇمىسپەن قامتاماسىز ەتىلىپتى.
«بۇگىنگى ءداستۇرلى «انا ءتىلىم – ارداعىم» اتتى قازاقستان حالقىنىڭ تىلدەرى كۇنىنە ورايلاستىرىلعان ءىس شارادا جىل بويى وتكىزىلگەن ءىس-شارالاردىڭ قورىتىندىلارى شىعارىلادى. ويتكەنى، مەملەكەتتىك ءتىل ساياساتى بىرنەشە باعىتتا جۇزەگە اسىرىلادى. نەگىزگىسى – مەملەكەتتىك ءتىلدىڭ قولدانىس اياسىن ارتتىرۋ»، – دەدى الماتى قالاسى تىلدەردى دامىتۋ باسقارماسىنىڭ ءبولىم باسشىسى باقىت قالىمبەت.
«بۇگىنگى تىلگە ارنالعان مەرەكە – ۇلكەن مەرەكە. ەلىمدى، حالقىمدى وسى مەرەكەمەنەن بارشاسىن قۇتتىقتايمىن. ويتكەنى، ءتىل دەگەن ول ۇلتتىڭ جانى، رۋحىنىڭ ءۇنى، ەڭ قىمباتتى دۇنيەسىنىڭ قۇندى قويماسى قۇندىلىقتارىنىڭ. سوندىقتان دا بۇنى ەرەكشە قادىرلەۋىمىز كەرەك. قاستەرلەۋىمىز كەرەك. ءتىل جوق بولسا، ۇلت تا بولمايدى»، – دەدى قوعام قايراتكەرى اسىلى وسمان.
