قىسقى ۋنيۆەرسيادا-2019 الاۋىنىڭ ەستافەتاسى ەلىمىزگە جەتتى. القىزىل الاۋدى ۇستاۋشىلار الماتىداعى اباي داڭعىلىنىڭ بويىمەن بالۋان شولاق اتىنداعى سپورت سارايىنان باستاپ، رەسپۋبليكا سارايىنا دەيىن جۇگىرىپ ءوتتى.

سپورتشىلار قاتارىندا بوكسشى قانات يسلام، فۋتزالشى دىنمۇحامبەت سۇلەيمەنوۆ، الپينيست ماقسۇت جۇمايەۆ جانە وزگە دە سپورت قايراتكەرلەرى بار. مارشرۋت ۇزاقتىعى 2 شاقىرىمدى قۇرادى.  

«ءوز ەلىمىز ءۇشىن وتە قۋانىشىتىمىن. بۇل وقيعانى تاۋەلسىزدىگىمىز ءۇشىن ۇلكەن مارتەبە دەپ ويلايمىن. بىزدەسپورتقا قىزىعۋشىلىق تانىتاتىن قانشاما جاس ءوسىپ كەلە جاتىر. وسى ءسات ولارعا ۇلكەن ءبىر رۋحاني كۇش، رۋحاني ازىق دەپ ويلايمىن. بولاشاقتا قازىرگى ستۋدەنتتەر اراسىنان الەمدىك وليمپيادا تورىنەن ورىن الاتىن، ەلىمىزدىڭ تۋىن كوتەرەتىن مىقتى ازاماتتار شىعادى دەپ ويلايمىن»، – دەدى بوكسشى قانات يسلام.

جۋىردا سالتاناتتى شەرۋ قىتايدىڭ حاربين قالاسىندا جالعاسادى. 29-شى دۇنيەجۇزىلىك قىسقى ۋنيۆەرسيادا كەلەسى جىلى 2-12 ناۋرىز ارالىعىندا رەسەيدىڭ كراسنويارسك قالاسىندا وتەدى.  

«20 قىركۇيەكتە يتاليانىڭ تۋرين قالاسىندا ايتۋلى جارىستىڭ الاۋى تۇتانعان بولاتىن. بۇگىن الاۋ تۇتاتۋدىڭ ەكىنشى كەزەڭى جالعاسۋدا. قازاقستاندا ءوتىپ جاتقان ءراسىم ۇزاقتاۋ بولىپ تۇر. قازاقستان – وتە قوناقجاي ەل. بۇل ەلدە اۋقىمدى سپورتتىق جارىستار ءجيى ءوتىپ تۇرادى»، – دەپ اتاپ ءوتتى رەسەيدىڭ ستۋدەنتتەر سپورتى وداعىنىڭ پرەزيدەنتى سەرگەي سەيرانوۆ.