20 جاستاعى سادريددين احمەدوۆ كاسىپقوي بوكستاعى ءتورتىنشى جەكپە-جەگىن تەحنيكالىق نوكاۋتپەن  اياقتادى دەپ جازادى Qamshy.kz اقپارات اگەنتتىگى Sports.kz سايتىنىڭ دەرەگىن نەگىزگە الىپ. 

جاستار اراسىندا الەم چەمپيونى اتانعان سادريددين احمەدوۆ (3-0، 3 كو) كاسىپقوي بوكستاعى ءتورتىنشى جەڭىسىنە قول جەتكىزدى.

ورتا سالماقتا جۇدىرىقتاساتىن 20 جاستاعى وتانداسىمىز  كەزەكتى جەكپە-جەگىن مونرەالدا (كانادا) وتكىزدى. ونىڭ قارسىلاسى مەكسيكالىق حاۆەر حەسۋس مەندوسا (7-5-1، 6 كو) بولدى.

التى راۋندقا ەسەپتەلگەن جەكپە-جەكتىڭ 57ء-شى سەكۋندىندا احمەدوۆ تەحنيكالىق نوكاۋتپەن مەرزىمىنەن بۇرىن جەڭىسكە جەتتى. وسىلايشا سادريددين كاسىپقوي بوكستاعى ءتورت جەكپە-جەگىن دە نوكاۋتپەن اياقتاسا، ال مەندوسا كارەراسىندا التىنشى مارتە جەڭىلىسكە ۇشىرادى.

تاعى ءبىر ايتا كەتەرلىگى، كانادالىق ب ا ق احمەدوۆتىڭ بولاشاعى جارقىن ەكەنىن جارىسا جازىپ جاتىر. فيليپپ سەنت-مارتەن اتتى جۋرناليست: "مىنا جىگىتتى نازاردا ۇستاڭىزدار! ونىڭ بويىندا ۇلى كارەرا جاساۋعا قاجەتتىنىڭ ءبارى بار!"، — دەپ ايتقان.    

ەستەرىڭىزگە سالا كەتەيىك، جۇما كۇنى جەڭىلىپ كورمەگەن تاعى ءبىر قازاقستاندىق بوكسشى ءالي احمەدوۆ كاسىبي رينگتەگى 13ء-شى جەڭىسىنە قول جەتكىزگەن.