استانا اكىمدىگى كوممۋنالدىق قىزمەت پەن مەردىگەرلەردىڭ قىسقا دايىندىعىن تەكسەردى دەپ جازادى Qamshy.kz اقپارات اگەنتتىگى ەلوردانىڭ رەسمي سايتىنىڭ دەرەگىن نەگىزگە الىپ.

استانا اكىمى باسقاراتىن كوميسسيا "قار ماۋسىمىنىڭ" باستالۋىنا وراي قالانىڭ دايىندىعىن تەكسەرىپ شىقتى، دەپ حابارلايدى ەلوردا اكىمدىگىنىڭ رەسمي سايتى. 

كوميسسيا كوشەلەر مەن جولداردى جينايتىن ەكى ءىرى مەردىگەرلىك ۇيىمنىڭ – "استانا تازالىق" جانە "استانا زەلەنستروي" اق تەحنيكالارىن كورىپ شىقتى. ەكى كومپانيانىڭ دا پاركى 400 مامانداندىرىلعان تەحنيكادان اسادى. كومپانيا باسشىلىعى بارلىق تەحنيكانىڭ قىسقى ماۋسىمنىڭ باستالۋىنا دايىن ەكەندەرىن جەتكىزدى. قىزمەتكەرلەر شتاتى دا جاساقتالعان.

قار جاۋعان كۇندەرى كوشەگە ەسىل اۋدانى بويىنشا 526 بىرلىك تەحنيكا، بايقوڭىر اۋدانىندا – 177، سارىارقا اۋدانىندا – 437، الماتى اۋدانىندا – 452 تەحنيكا شىعۋعا دايىن. 

 الدا تۇرعان قىسقى ماۋسىمعا "استانا تازالىق" قازىردەن 20 مىڭ تەكشە مەتر قۇمدى-تۇزدى قوسپانى دايىنداپ قويدى (جۋىق ارادا تاعى دا 8 مىڭ تەكشە مەترى دايىندالادى). دايىن بولعان رەاگەنت اۋداننىڭ مارشرۋتى بويىنشا ازىرلەنگەن. 

شىعاتىن تاس جولداردا جانە قاتتى قار جاۋعان كەزدە پايدالانىلاتىن ارنايى روتورلار دا قىسقى ماۋسىمعا دايىن.

استانا باسشىلىعى قاتىسقان جيىندا اۋدان اكىمدەرى، مەردىگەرلىك ۇيىمدار، قالانى سانيتارلىق تازالاۋعا كىرىسكەندەر مەردىگەرلىك ۇيىم وكىلدەرىنىڭ ەسەبىن جانە اۋدان اكىمدەرىنىڭ قىسقى ماۋسىمعا دايىندىعى تۋرالى تىڭدادى. 

"ءبىز تولىقتاي دايىن بولۋىمىز كەرەك. كوممۋنالدىق قىزمەتتەر ساعات سياقتى جۇمىس ىستەپ تۇرۋى ءتيىس، قالالىقتار اۋا رايىنىڭ قولايسىزدىعىنا بايلانىستى جولداردا جايسىزدىق سەزىنبەۋى ءتيىس"، دەدى باقىت سۇلتانوۆ.