الماتىدا جارتىلاي مارافون كەزىندە سانكت-پەتەربور گۋمانيتارلىق كاسىپوداق ۋنيۆەرسيتەتى الماتى فيليالىنىڭ ستۋدەنتى استانالىق ماكسيم كوروليەۆ كوز جۇمدى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

جانكۇيەرلەرى رەتىندە قاسىندا كەلە جاتقان كۋرستاستارى 18 جاستاعى ستۋدەنتتىڭ "كۇرەس پەن جاۋىنگەرلىك سامبودان" ق ر سپورت شەبەرى كانديداتى، كروسستان قالالىق سپارتاكيادا جۇلدەگەرى (1 ورىن) بولعانىن ايتتى. 

كۋاگەرلەردىڭ سوزىنە سەنسەك، اباي كوشەسىمەن جۇگىرىپ كەلە جاتقان ستۋدەنت مارەگە ءبىر كۆارتالداي قاشىقتىق قالعان كەزدە ءوزىن جايسىز سەزىنگەن. وقيعا ورنىنا ءۇش مينۋتتان كەيىن جەتكەن جەدەل جاردەم دارىگەرلەرى ونىڭ كوز جۇمعان ۋاقىتىن بەلگىلەدى. 

دارىگەرلەردىڭ ايتۋىنشا، ءولىم سەبەبى سوت-مەديسينالىق ساراپتامادان كەيىن بەلگىلى بولادى. ۇيىمداستىرۋشىلار مارقۇمنىڭ تۋىسقاندارىنا حابارلاسىپ، كوڭىل ايتتى. اتا-اناسىنا الماتىعا جەتۋىنە كومەك كورسەتتى. 

"سمەلوست بىت پەرۆىم" كورپوراتيۆتىك قورىنىڭ ديرەكتورى سالتانات قازىبايەۆا ادەتتە مارافون باستالماي تۇرىپ، قاتىسۋشىلاردىڭ مارشرۋتى ءىىد، جەدەل جاردەم ستانسياسى قىزمەتتەرىمەن بىرگە انىقتالىپ، ءتيىستى جەرلەردە العاشقى مەديسينالىق كومەك كورسەتۋ ءۇشىن دارىگەرلەر تۇراتىنىن اتاپ ءوتتى. 

"الايدا وسى تراگەديادان كەيىن ءبىز سپورتشىلاردى جارىسقا جىبەرۋ تالاپتارىن قايتا قاراستىرامىز"، — دەدى قازىبايەۆا.