الماتىدا جاڭادان سالىنعان ستۋدەنتتەر ءۇيىنىڭ ساپاسى سىن كوتەرە مە؟ بۇگىن «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ الماتى اكىمى باۋىرجان بايبەك جانە رەسپۋبليكالىق قوعامدىق كوميسسيا مۇشەلەرى قالاداعى جاڭا جاتاقحانالاردى ارالادى. سونىمەن قاتار، ولار «7-20-25» باعدارلاماسى ارقىلى باسپانا العاندارعا پاتەر كىلتىن سالتاناتتى تۇردە تابىستاپ، قالا باسشىسىمەن بىرگە ەلباسىنىڭ 5 الەۋمەتتىك باستاماسىنىڭ ورىندالۋ بارىسىن پىسىقتادى.

باس پارتيا ءتوراعاسىنىڭ ءبىرىنشى ورىنباسارى ماۋلەن اشىمبايەۆ الدىمەن اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتىنىڭ جاڭادان سالىنعان جاتاقحاناسىمەن تانىستى. 600 ورىندىق ستۋدەنتتەر ءۇيى زاماناۋي تالاپقا تولىقتاي ساي كەلەدى. مۇندا 75 ادامعا ارنالعان اسحانا، 70 ورىندىق وقۋ زالى، سونداي-اق، 1ء-شى قاباتتا جاستار ورتالىعى دا بار. عيماراتتى تۇرعىزۋعا 780 ميلليون تەڭگە جۇمسالىپتى.  

«ءقازىر 2 جارىم مىڭداي ستۋدەنتكە جاتاقحانا جەتپەي جاتىر. ءبىراق جاڭا جاتاقحانانى سالساق، جاتاقحانا قاجەت ەتەتىن ستۋدەنتتەر سانىن 1 مىڭ جارىمعا دەيىن قىسقارتامىز»، – دەدى س. اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتىنىڭ رەكتورى تالعان نۇرعوجين.

جالپى، الماتىدا جىل سوڭىنا دەيىن 4 جاڭادان سالىنعان جانە قايتا جاڭعىرتىلعان 1650 ورىندىق 1 جاتاقحانا پايدالانۋعا بەرىلمەك. ودان بولەك، 2300 ورىنعا ارنالعان 3 جاڭا ستۋدەنتتەر ءۇيىنىڭ قۇرىلىسى باستالادى. ال كەلەسى جىلى 26 جاتاقحانا تۇرعىزۋ جوسپاردا بار. ستۋدەنتتەر زاماناۋي عيماراتتاردا تۇرىپ، ءبىلىم الىپ جاتقاندارىنا ءدان ريزا.    

«ستۋدەنتتەر ۇيىندە بارلىق ستۋدەنتتىڭ بوس ۋاقىتىن ءتيىمدى پايدالانۋ ماقساتىندا كوپتەگەن ۇيىرمەلەر، بي، ۆوكال ۇيىرمەلەرى جۇمىس ىستەيدى. جالپى، ستۋدەنتتەردىڭ ءبىلىم الۋىمەن قاتار، بوس ۋاقىتتارىن ءتيىمدى وتكىزۋگە كوپتەگەن جاعدايلار جاسالعان»، – دەدى قازاق ينجەنەرلىك-تەحنولوگيالىق ۋنيۆەرسيتەتىنىڭ ستۋدەنتى مەرۋەرت باتاي.

ماۋلەن اشىمبايەۆ جانە رەسپۋبليكالىق قوعامدىق كوميسسيا مۇشەلەرى ءوز ءىسىن دامىتۋ ماقساتىندا مەملەكەتتەن شاعىن نەسيە العان كاسىپكەرلەرمەن كەزدەستى. ماسەلەن، دينارا قازييەۆا العان قاراجاتىنا ءوزىنىڭ جەكە ستوماتولوگياسىنا جاڭا جابدىقتار ساتىپ العان. سونىمەن قاتار، بىرنەشە ماماندى جۇمىسپەن قامتىپ وتىر. وسى كۇنى الماتىدا شاعىن نەسيە بەرۋ ءۇشىن 80 ءتۇرلى جوبا ماقۇلدانسا، ولاردىڭ 20-ى ەندىگى ماماندار قاراۋىنا وتكىزىلگەن.  

الماتىنىڭ الاتاۋ اۋدانىندا جاڭا پاتەرگە «7-20-25» باعدارلاماسى ارقىلى قول جەتكىزگەندەر ماۋلەن اشىمبايەۆتىڭ قولىنان پاتەر كىلتىن سالتاناتتى تۇردە الدى. الماتى اكىمى باۋىرجان بايبەك اتالعان باعدارلامانىڭ قالادا جۇيەلى تۇردە جۇزەگە اسىپ جاتقانىن جەتكىزدى.

«بۇگىن ميكروكرەديتتەر بەرۋ ماسەلەسىن قاداعالادىق. ستوموتولوگيا كابينەتىندە بولدىق. جاڭا جۇمىس ورىندارى ءبىزدىڭ قالامىزدا اشىلىپ جاتىر. بىرنەشە جاتاقحانانى ارالادىق. جاستارعا، ستۋدەنتتەرگە كەرەمەت جاعداي جاسالۋدا. ال «7-20-25» باعدارلاماسى – جالپى ەلباسى تاپسىرماسى بويىنشا قاراپايىم حالىققا، اسىرەسە الماتى قالاسىنىڭ تۇرعىندارىنا ارنالعان باعدارلاما»، – دەدى الماتى قالاسىنىڭ اكىمى باۋىرجان بايبەك.

«نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ نىسانداردى ارالاپ بولعان سوڭ، الماتىدا ەلباسىنىڭ 5 الەۋمەتتىك باستاماسى قارقىندى جۇزەگە اسىرىلىپ جاتقانىن ايتتى.  

«بۇگىنگى كۇنى حالىق ەلباسىنىڭ 5 الەۋمەتتىك باستاماسىنا ريزاشىلىق تانىتىپ وتىر. ونى ءبىز بارعان بارلىق وڭىرلەردەن بايقاۋعا بولادى. ويتكەنى، ەلباسى باستاماسى ءبىراز الەۋمەتتىك ماسەلەلەردىڭ شەشىلۋىنە سەپتىگىن تيگىزۋدە. سوندىقتان  پارتيامىز ارى قاراي دا وسى الەۋمەتتىك باستامالاردىڭ تولىقتاي، ۋاقىتىلى جۇزەگە اسۋىنا ۇلەس قوساتىن بولامىز»، – دەدى «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ.