سانالى عۇمىرىن وتان قورعاۋ ىسىنە ارناعان گەنەرال-لەيتەنانت مالىك ساپاروۆتى ءبىر توپ ارىپتەستەرى مەن تۋعان-تۋىستارى ەسكە الدى. ول كوزى ءتىرى بولعاندا، بيىل 60 جاسقا تولار ەدى.

گەنەرال مەرەيتويىنا وراي اسكەري ينستيتۋتتا سالتاناتتى شەرۋ ءوتتى. قازاقستاننىڭ قارۋلى كۇشتەرىن دامىتۋدا ايانباي ەڭبەك ەتكەن قايراتكەرگە ارنايى فوتو جانە كىتاپ كورمەسى دە ۇيىمداستىرىلدى.

ايتا كەتەيىك، مالىك ساپاروۆ ءار جىلدارى ەلىمىزدىڭ قارۋلى كۇشتەرىنىڭ باس شتاب باسشىسى، قورعانىس ءمينيسترىنىڭ ءبىرىنشى ورىنباسارى قىزمەتتەرىن اتقارعان.  

«ءوز جۇمىسىن وتە جاقسى اتقارعان، جانىن اياماي ۇزدىكسىز قىزمەت ەتكەن گەنەرال-لەيتەنانت ساپاروۆ ق ر قارۋلى كۇشتەرىنىڭ قالىپتاسىپ، دامۋىنا زور ۇلەس قوسقان. مەن دە وسى ۇلى باتىرىمىزدىڭ ءىزىن قۋىپ، وسى اسكەري ينستيتۋتقا ءتۇسىپ، ەلىمىزدىڭ دامىتۋىنا زور ۇلەس قوسسام دەيمىن»، – دەيدى قۇرلىق اسكەرلەرى اسكەري ينستيتۋتىنىڭ كۋرسانتى اسىلحان ۇزاقباي.