الماتى قالاسى تۇرعىن ءۇي جانە تۇرعىن ءۇي ينسپەكسياسى باسقارماسىنىڭ حالىققا قىزمەت كورسەتۋ ورتالىعى اشىلدى.

«الماتى قالاسى تۇرعىن ءۇي جانە تۇرعىن ءۇي ينسپەكسياسى باسقارماسى جانىنان حالىقتى قابىلداپ، كەڭەس بەرەتىن ارنايى زال اشىلعان. مۇندا «نۇرلى جەر»، «وڭىرلەردى دامىتۋ 2020» جانە قالالىق «الماتى جاستارى» باعدارلامالارىن حالىققا ەگجەي-تەگجەيلى ءتۇسىندىرىپ، ولاردىڭ سۇراۋىن قاناعاتتاندىراتىنداي جاعداي جاسالعان»، - دەدى اكىمدىكتىڭ باسپا ءسوز قىزمەتى. 

وپەراسيالىق زالدىڭ نەگىزى ماقساتى - حالىققا جىلدام ءارى ساپالى قىزمەت كورسەتۋ، سونداي-اق بۇقاراعا تۇرعىن ءۇي زاڭناماسىنا ساي مىندەتتەر مەن اقپاراتتى اشىق تۇردە جەتكىزۋ. وپەراسيا زالىنىڭ 1ء-شى قاباتتا ورنالاسۋى اسىرەسە ەگدە جاستاعى كىسىلەر مەن مۇمكىندىگى شەكتەۋلى جاندارعا، قيمىل-تىرەك اپپاراتىنىڭ كومەگىمەن ءجۇرىپ-تۇراتىن ازاماتتارعا ىڭعايلى ەتىپ جاسالعان.

ەستۋ، سويلەۋ قابىلەتى ناشار ادامدارعا ونلاين سۋردو اۋدارماشى جانە «ازاماتتارعا ارنالعان ۇكىمەت» مك ارقىلى (ەسق بولعان جاعدايدا) وز-وزىنە قىزمەت كورسەتۋ بۇرىشى بار.