الماتىدا قانت قىمباتتامايدى. ال قورداعى قانت كولەمى بىرنەشە اپتاعا جەتەدى. بۇل تۋرالى الماتى قالاسى اۋىل شارۋاشىلىعى باسقارماسى حابارلادى.

بازارداعى بۇل جاعدايدى رەتتەۋ ءۇشىن تۇراقتاندىرۋ قورىنان جاز ايلارىندا  1 مىڭ 400 توننا قانت الىنعان. ايتا كەتەرلىگى، قانت باعاسى 3 ايدىڭ ىشىندە 10 پايىزعا جۋىق وسكەن.  

«ءقازىر نارىقتا نەگىزسسىز قانت باعاسىن كوتەرىپ جاتقان جايتتار كەزدەسۋدە. ءبىراق بۇل ۋاقىتشا جاعداي. ءقازىر بىزدە باعالاردى رەتتەۋ ءجۇرىپ جاتىر. رەسەي ءرۋبلىنىڭ قۇبىلۋى ەلىمىزگە تاسىمالداناتىن قانتتىڭ قۇنىنا دا اسەر ەتكەنى راس»، – دەدى الماتى قالاسى اۋىل شارۋاشىلىعى باسقارماسى باسشىسى ورىنباسارىنىڭ مىندەتىن اتقارۋشى دامير تازابەك.  

كوپ ۇزاماي قانت باعاسى ءبىرشاما تۇسەدى. وعان ەلىمىزدە قازان ايىندا  5 زاۋىتتىڭ ءونىم شىعارۋى سەپ بولماق. ءقازىر قانت قىزىلشاسىن جيناۋ ناۋقانى جۇرگىزىلۋدە.  ال قاراشا ايىنان باستاپ كەلەسى جىلعا قانت قورى جينالماق.

«وتاندىق زاۋىتتان وندىرىلەتىن ءونىم نارىقتى تولىقتاي قامتاماسىز ەتەدى. ويتكەنى، ونىڭ باعاسى رەسەي مەن بەلارۋس ەلىنەن اكەلىنگەن تاۋار باعاسىنان الدەقايدا تومەن. بىلتىر 1 كەلى قانتتىڭ قۇنى-170 تەڭگە بولعان. بيىل دا وسى باعانى تۇراقتاندىرۋ جوسپاردا بار»، – دەدى دامير تازابەك.