الماتىدا «الاتاۋىم – التىن ۇيام» دەگەن اتاۋمەن قالا كۇنىنە جانە الاتاۋ اۋدانىنىڭ 10 جىلدىعىنا وراي ءدۇبىرلى ايتىس ءوتتى.

جىر جارمەڭكەسىنە 20 اقىن قاتىستى. ەڭ ۇزدىك 12ء-ى عانا فينالعا ءوتىپ، 6 جۇپ بولىپ ايتىستى. باس جۇلدەگە تىگىلگەن كولىكتى قاراعاندىلىق اقىن تولەگەن جامانوۆ ءمىندى. ودان وزگە، 1ء-شى ورىنعا 1 ميلليون تەڭگە، 2ء-شى ورىنعا 500 مىڭ تەڭگە بەرىلسە، ال 3ء-شى ورىندى يەلەنگەندەر 300 مىڭ تەڭگەدەن قارجىلاي سىيلىق الدى.

دۋماندى كەشتە ايتىسكەرلەر قوعامداعى وزەكتى ماسەلەلەردى بەي-جاي قالدىرعان جوق. قازىلار القاسى ءسوز سۇلەيلەرى باسىلىپ ەمەس، اشىلىپ ايتتى دەپ ايتىسقا جوعارى باعا بەردى.

«اراسىندا ايتىلعان قازاقتىڭ ءبىلىم ماسەلەسى، دەنساۋلىق ماسەلەسى ۇلتتىڭ جانىنا باتقان جان ايقايىنىڭ بارلىعى وسى اقىنداردىڭ ءتىلىنىڭ ۇشىنان ۇيقاس بولىپ ءورىلدى. وعان ءبارىڭىز دە كۋا بولدىڭىزدار. بويىمىزعا قۋات بەرەتىن، جۇرەگىمىزگە شۋاق بەرەتىن، ۇلتىمىزدىڭ ەڭسەسىن تىكتەيتىن جاقسى ايتىستاردىڭ كورەرمەنى بولۋعا جازسىن!»، – دەدى قازىلار القاسىنىڭ مۇشەسى، «ايقىن» گازەتىنىڭ باس رەداكتورى نۇرتورە ءجۇسىپ.

«ءوز كوڭىلىمنەن شىققان ايتىس بولدى. ءوزىمنىڭ ويىمداعى ايتسام دەگەن دۇنيەلەردى ايتتىم، جەتكىزسەم دەگەن دۇنيەمدى جەتكىزدىم. كوزدەرىڭىز كوردى. قازىرگى قازاق ايتىسىنىڭ دەڭگەيى كەرەمەت قارىشتاپ كەتتى. بۇگىنگى كۇندەگى ايتىستى كەشەگى 90-شى جىلدارداعى ايتىسپەن سالىستىرا المايسىز»، – دەدى تولەگەن جامانوۆ.