اۋەزوۆ اۋدانىنىڭ تۇرعىندارى الماتى كۇنىن كەڭىنەن اتاپ وتۋدە.
الماتى كۇنى اۋەزوۆ اۋدانىندا دا تويلانىپ جاتىر. وندا 500 ادامعا ارنالىپ كونسەرت ۇيىمداستىرىلعان.
شارادا ەسترادا جۇلدىزدارى ءان شىرقاپ، مىڭ بۇرالعان بيشىلەر ونەرلەرىن پاش ەتتى. كەلۋشىلەر بارلىق قالا تۇرعىندارىن الماتى كۇنىمەن قۇتتىقتاپ، ىستىق لەبىزدەرىن جولدادى.
«ءبىز سياقتى قارت كىسىلەرگە دە، جاستارعا دا، بالالارعا دا ءان قويىپ، كوڭىلىمىزدى كوتەرىپ جاتقاندارىنا كوپ راحمەت! جاستارىڭ ۇزاق، دەندەرىڭ ساۋ بولىپ، ىستەرىڭ ىلگەرى بولسىن»، دەپ ريزاشىلىعىن بىلدىرسە، ەندى ءبىرى: «الماتى قالاسىنىڭ تۇرعىندارىن جانە بارلىق قوناقتارىن وسى الماتى قالاسىنىڭ تۋعان كۇنىمەن قۇتتىقتايمىن! قالامىز وسىلاي كوركەيە بەرسىن، دامي بەرسىن!»،دەپ بۇگىنگى مەرەكە كۇنىمەن قۇتتىقتاپ، اق تىلەگىن جاۋدىردى.
