قازاقستاندا "نۇرلى جەر" مەملەكەتتىك تۇرعىن ءۇي باعدارلاماسى اياسىندا پاتەر الۋدى جۇزەگە اسىرۋ ەرەجەلەرى بەكىتىلگەن. ەرەجەگە سايكەس، قاتىسۋشىعا ءبىر پاتەردەن ارتىق ءۇي الۋعا مۇمكىندىك بەرىلمەيدى.

2018 جىلدىڭ 31 شىلدەسىندە قازاقستان رەسپۋبليكاسىنىڭ ينۆەستيسيالار جانە دامۋ ءمينيسترىنىڭ بۇيرىعىمەن «نۇرلى جەر» مەملەكەتتىك تۇرعىن ءۇي باعدارلاماسى اياسىندا سالىنعان نەمەسە جەكە قۇرىلىس سالۋشىلاردان الىنعان تۇرعىن ءۇيدى جۇزەگە اسىرۋ ەرەجەلەرى بەكىتىلدى.

ەرەجەلەر كەلەسى تۇرعىن ءۇيدىڭ ىسكە اسىرىلۋىن انىقتايدى:

-وبلىستاردىڭ، استانا، الماتى جانە شىمكەنت قالالارىنىڭ جەرگىلىكتى اتقارۋشى ورگاندارىنىڭ كرەديتتىك تۇرعىن ۇيلەرىن؛

-پيلوتتىق جوبالارداعى جەكە تۇرعىن ۇيلەر؛

-«قازاقستان يپوتەكالىق كومپانياسى» يپوتەكالىق ۇيىمى» اكسيونەرلىك قوعامى ساتىپ العان جالعا بەرىلەتىن تۇرعىن ۇيلەر؛

-«بايتەرەك ديەۆەلوپمەنت» اكسيونەرلىك قوعامىنىڭ تۇرعىن ۇيلەرى؛

-«جىلجىمايتىن مۇلىك قورى «سامۇرىق-قازىنا» اكسيونەرلىك وعامىنىڭ كوممەرسيالىق تۇرعىن ۇيلەرى؛

-جىلجىمايتىن مۇلىك قورى ساتىپ العان جالعا بەرىلەتىن تۇرعىن ۇيلەر.

تۇرعىن ءۇيدى ساتۋدىڭ بۇرىن قابىلدانعان باعدارلامالارى شەڭبەرىندە جەكە قۇرىلىس سالۋشىلاردان نەمەسە ساتىپ الىنعان تۇرعىن ءۇيدى ساتۋ ءتارتىبى وسى ەرەجەگە سايكەس جۇزەگە اسىرىلادى.

بۇل جاعدايدا، قاتىسۋشىنىڭ ەرەجەنىڭ 2، 4 جانە 27 تارماقتارىندا كورسەتىلگەن ءتارتىپ بويىنشا، تۇرعىن ءۇيدى ساتىپ الۋ جاعدايلارىن قوسپاعاندا، ءبىر پاتەردەن ارتىق ءۇي الۋعا مۇمكىندىك بەرىلمەيدى.

جوعارىدا اتاپ وتكەن تارماقتاردا كورسەتىلگەن تۇرعىن ءۇيدى ساتىپ الۋ جاعدايلارىن قوسپاعاندا، وتباسىدا نەكەگە تۇرعانعا دەيىن جۇبايىنىڭ جالعا ساتىپ العان پاتەرى بولسا، بۇل باعدارلاماعا قاتىسۋعا جىبەرىلمەيدى.

«نۇرلى جەر» مەملەكەتتىك تۇرعىن ءۇي باعدارلاماسى بويىنشا ساتىپ الۋدى جۇزەگە اسىراتىن جالعا الۋ تۋرالى شارتتار تىركەۋ ورگاندارىندا مىندەتتى مەملەكەتتىك تىركەۋگە جاتادى.

ءوتىنىش بەرۋشىنى تۇرعىن ۇيگە قاتىسۋشىلاردىڭ تىزىمىنە ەنگىزۋ تۋرالى بىرنەشە فاكتىلەر انىقتالعان جاعدايدا، ءوتىنىش بەرۋشىگە جەتى جۇمىس كۇنى ىشىندە ءۇيدىڭ ءبىرىن تاڭداۋ تۋرالى حابارلاما جىبەرىلەدى.

وسى تالاپتاردىڭ ورىندالۋىن باقىلاۋ جۇمىستارى ءوتىنىش بەرۋشىنىڭ ونىڭ اتىسۋىن جانە ساتىپ الۋ-ساتۋ شارتى جاسالعانعا دەيىن قايتادان ۇسىنىلعان جىلجىمايتىن مۇلىكتىڭ جوقتىعىن تەكسەرۋ تۋرالى مىندەتتى كەلىسىمى نەگىزىندە جۇزەگە اسىرىلادى.

جەرگىلىكتى اتقارۋشى ورگان ىرىكتەۋ ءراسىمىنىڭ سوڭىندا ءوز ينتەرنەت-رەسۋرسىندا قابىلدانعان وتىنىشتەردىڭ ءتىزىمى مەن تۇرعىن ءۇي باعدارلاماسى ارقىلى ءۇي الۋعا مۇمكىندىك العان قاتىسۋشىلاردىڭ ءتىزىمىن جاريالايدى.

سونىمەن قاتار، «نۇرلى جەر» مەملەكەتتىك تۇرعىن ءۇي باعدارلاماسى ارقىلى پاتەر الۋعا مۇمكىندىك العان قاتىسۋشىلار مەملەكەتتىك تۇرعىن ءۇي قورىنان نەمەسە تۇرعىن ءۇي زاڭدارىنا سايكەس، جەرگىلىكتى اتقارۋشى ورگاننىڭ جەكە تۇرعىن ءۇي قورىنا جالعا بەرگەن تۇرعىن ۇيگە مۇقتاج ازاماتتاردىڭ تىزىمىنەن الىنىپ تاستالىنادى.

وبلىستىق ورتالىقتاردا، قالالاردا، رەسپۋبليكالىق جانە وبلىستىق ماڭىزى بار قالالاردا، ەلوردادا تۇرعىن ۇيگە ءوتىنىش بەرۋشىلەردەن قۇجاتتاردى جەرگىلىكتى اتقارۋشى ورگان «ەلەكتروندىق ۇكىمەت» ۆەب-پورتالى ارقىلى نەمەسە رەسمي ينتەرنەت-رەسۋرس ارقىلى قابىلدايدى.

ال اۋىلدىق ەلدى مەكەندەردە، اۋىلدىق وكرۋگتەردە اكىمدىك ارقىلى «قاعاز» قۇجات رەتىندە بەرىلەدى.

اتالمىش بۇيرىق العاشقى رەسمي جاريالانعان كۇنىنە باستاپ كۇشىنە ەنەدى.