19 قازاندا گەنەرال س. ق. نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىنىڭ جەكە قۇرامىمەن «نۇر وتان» پارتياسىنىڭ مۇشەسى، استانا قالاسى ءماجىلىسىنىڭ دەپۋتاتى شەكەنوۆ ميراس ەرعالي ۇلى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» تاقىرىبىنداعى ەلباسىنىڭ جولداۋى بويىنشا كەزدەسۋى ءوتتى.

كەزدەسۋدى مەكتەپ باستىعى ادىلەت پولكوۆنيگى باسحوجايەۆ تلەۋحان قاليلا ۇلى اشىپ، جەكە قۇرامعا قازاقستان حالقىنىڭ جىل سايىن ەلباسى جولداۋىن تاعاتسىزدانا كۇتەتىندىگىن، وسى ماڭىزدى قۇجاتتا اسا قاجەتتى تاپسىرمالار، تىڭ باستامالار، ءبىر سوزبەن ايتقاندا، بولاشاققا ناقتى باعدار جاسالاتىندىعىن ايتا كەلىپ، كەزدەسۋدىڭ ماقساتىن ءتۇسىندىرىپ ءوتتى. سونىمەن بىرگە مەكتەپ باستىعى، بۇگىنگى كۇنى ەلىمىزدىڭ بارلىق وڭىرىندە جولداۋدىڭ باستى باسىمدىق باعىتتارىن ءتۇسىندىرۋ بويىنشا جۇمىستار اتقارىلىپ جاتقاندىعىن، سونىڭ ءبىر دالەلى بۇگىن ءبىزدىڭ مەكتەبىمىزدە ەلباسى جولداۋىن ءتۇسىندىرۋ ماقساتىندا «نۇر وتان» پارتياسىنىڭ مۇشەسى، استانا قالاسى ءماجىلىسىنىڭ دەپۋتاتى شەكەنوۆ ميراس ەرعاليۇلىن ارنايى شاقىرىپ وتىرعاندىعىن ايتىپ، ءسوز كەزەگى بەرىلدى.

ميراس ەرعالي ۇلى كەزدەسۋ بارىسىندا مەملەكەت باسشىسىنىڭ جولداۋىندا بەلگىلەنگەن باسىم باعىتتارىن ىسكە اسىرۋ جولدارىن جان جاقتى اڭگىمەلەپ، ياعني جولداۋداعى بارلىق مىندەت مەملەكەتتىڭ كەلەشەكتەگى دامۋىنا، حالىقتىڭ ءال اۋقاتىنىڭ وسۋىنە ارنالعاندىعىن ايتىپ ءوتتى. دەپۋتات اسىرەسە ءبىلىم سالاسىنا باسا نازار اۋدارا وتىرىپ، 2019 جىل جاستار جىلى بولىپ اتالۋى، جاستاردىڭ كەلەشەگىنە، ءبىلىم الىپ، دامۋى، بەلسەندى ەڭبەكتەنۋىنە كوپ سەپتىگىن تيگىزەتىندىگىن اتاپ كورسەتتى.

ەرتەڭگى كاسىبي مامان، بۇگىنگى مەكتەپ وقۋشىسى ەكەندىگى بارشامىزعا ءمالىم. ولاي بولسا ەلباسشىنىڭ «ورتا ءبىلىم بەرۋ جۇيەسىندە نەگىزگى تاسىلدەر بەلگىلەنگەن، قازىرگى كەزەڭدە سولاردىڭ ورىندالۋىنا باسا نازار اۋدارعان ءجون. ءبىلىم ساپاسىن باعالاۋ جۇيەسى حالىقارالىق ستاندارتتارعا نەگىزدەلۋگە ءتيىس» دەگەن ءسوزى ءبىلىم سالاسىنداعى قىزمەتكەرلەرگە ۇلكەن مىندەتتەر جۇكتەيدى.

ەلىمىزدە ساپالى ءبىلىم بەرۋدىڭ اۋقىمدى جوباسىن جۇزەگە اسىرۋشىلاردىڭ ىشىندە ءبىزدىڭ مەكتەبىمىز دە بار. ۇلتتىق بىرلىككە، وتانىن، ەلىن، جەرىن سۇيۋگە، ۇلتتىق تاۋەلسىز مەملەكەتتى نىعايتۋعا ءوز ۇلەسىن قوسۋعا دايىندايتىن ەلىمىزدىڭ قارۋلى كۇشتەرىنىڭ ءبولىمىنىڭ ءبىرى، «جاس ۇلان» رەسپۋبليكالىق مەكتەبى ولاي بولسا، مەكتەپتە ءوز وتانىنىڭ دامۋى جولىندا ايانباي تەر توگەتىن، “قازاقستان – مەنىڭ وتانىم، ول مەن ءۇشىن جاۋاپتى بولعانى سياقتى، مەن دە ول ءۇشىن جاۋاپتىمىن” دەگەن قاراپايىم ويدى مەڭگەرگەن ۇلاندار ياعني جاستار تاربيەلەنىپ جاتقانىنا سەنىمىز مول.

وسىنداي سەنىممەن قورىتىندىلانعان كەزدەسۋ سوڭىندا «نۇر وتان» پارتياسىنىڭ مۇشەسى، استانا قالاسى ءماجىلىسىنىڭ دەپۋتاتى شەكەنوۆ ميراس ەرعالي ۇلى مەكتەپ جەكە قۇرامىمەن ەستەلىككە سۋرەتكە ءتۇستى.