پارلامەنت ءماجىلىسىنىڭ دەپۋتاتتارى، «نۇر وتان» پارتياسىنىڭ وكىلدەرى اۋىل-اۋىلدى ارالاپ، حالىقتىڭ جاعدايىمەن تانىسۋدى ادەتكە اينالدىرعان. بۇل جولى دەپۋتاتتار قىزىلوردا وبلىسىنا باردى. ءىسساپاردى پارلامەنت ءماجىلىسىنىڭ دەپۋتاتتارى باستاپ، «نۇر وتان» پارتياسى پارلامەنتتىك فراكسياسى جەتەكشىسىنىڭ ورىنباسارى، ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى نۇرتاي سابيليانوۆ ءارى قازاقستان حالقى اسسامبلەياسىنان دەپۋتات ن. جۇمادىلدايەۆتار قوستادى.

دەپۋتاتتار قىزىلوردا وبلىسىنداعى بىرنەشە اۋىلدار مەن كەنتتەردى ارالادى. اقسۋات، اقجارما، اقجار، تۇرماعامبەت، ناعي ءىلياسوۆ اۋىلدارى مەن تاسبوگەت، جوسالى، جالاعاش كەنتتەرىندەگى تۇرعىندارىمەن كەزدەسىپ قايتتى.

ايتا كەتەيىك، مەملەكەت باسشىسى نۇرسۇلتان نازاربايەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋى جاريالانعان. وسى جولداۋدىڭ نەگىزگى مىندەتتەرىن جۇزەگە اسىرۋ بارىسىندا دەپۋتاتتار اۋىل-اۋىلدى ارالاپ، تۇرعىنداردىڭ ءال-اۋقاتىن جاقسارتىپ، قازاقستاننىڭ ودان ءارى الەۋمەتتىك-ەكونوميكالىق دامۋىنا ىقپال ەتۋگە تىرىسىپ باعۋدا. ەلباسىنىڭ مۇنداي جولداۋىنا قاتىستى وبلىس تۇرعىندارى قولداپ، دا وڭ پىكىرلەر ايتىپ جاتتى. وبلىستاردى گازداندىرۋ، تۇرعىن ۇيمەن قامتاماسىز ەتۋ، جولداردى جوندەۋ، دەنساۋلىق ساقتاۋ، كاسىپكەرلىكتى دامىتۋ، ءبىلىم بەرۋدەگى ماسەلەلەرىنە قاتىستى سۇراقتار قويدى، وڭتايلى شەشىلۋىن سۇرادى.

بۇدان بولەك دەپۋتات نۇرتاي سابيليانوۆ سايلاۋشىلارعا قازاقستان رەسپۋبليكاسى پارلامەنتىنىڭ زاڭ شىعارۋداعى قىزمەتى تۋرالى تانىستىردى. ءارى تۇرعىنداردىڭ سۇراقتارىنا جاۋاپ بەرىپ، ماسەلەلەردىڭ بارلىعى نازارعا الىنعانىن مالىمدەدى.

نۇرتاي سابيليانوۆ ساپارى بارىسىندا سىرداريا اۋدانىنداعى ناعي ءىلياسوۆ اۋىلىنىڭ كۇرىششىلەرىمەن كەزدەستى، الەۋمەتتىك جانە ينفراقۇرىلىمدىق نىساندارمەن تانىستى. قىزىلوردا قالاسىنداعى «ابزال ي ك» سەرىكتەستىگىنىڭ كۇرىش وڭدەۋ زاۋىتىنىڭ جۇمىسىمەن دە تانىستى.

دەپۋتات اۋىلدارداعى دەنساۋلىق ساقتاۋ سالاسىن دا نازاردان تىس قالدىرعان جوق. قىزىلوردا قالالىق اۋرۋحاناسى مەن №3 قالالىق ەمحاناسىنىڭ قىزمەتكەرلەرىمەن كەزدەسىپ، مەديسينانىڭ ال-اۋقاتىمەن تانىستى.

وسىلايشا «نۇر وتان» پارتياسىنىڭ دەپۋتاتتارى ەلباسىنىڭ جولداۋىنداعى ەڭ وزەكتىلەرىنىڭ ءبىرى اۋىلدىق وڭىرلەردى دامىتۋ ماسەلەسىنە بىلەك سىبانا كىرىستى.