قازاقستاننىڭ قىتايداعى ساۋدا-ەكونوميكالىق ميسسياسى سيان قالاسىندا وتكەن جىل سايىنعى VII حالىقارالىق ساتىپ الۋ كورمەسىنىڭ ءبىر بولىگىنە اينالدى، دەپ حابارلايدى قازاقستاننىڭ سىرتقى ساۋدا پالاتاسىنىڭ باسپا ءسوز قىزمەتى.
قىتايلىق كومپانيالار اۋىلشارۋاشىلىق ونىمدەرىنىڭ يمپورتىنا، قازاقستاندىق ماي مەن بالىققا قىزىعۋشىلىق تانىتۋدا. سەبەبى، اسپان استى ەلىنە ۇن وندىرۋشىلەردى قوسا العاندا، ءدال وسى تاماق ونىمدەرىمەن اينالىساتىن كومپانيالار بارعان بولاتىن. قىتايلىق تاراپتان 30-دان استام كومپانيالار قاتىستى.
ساۋدا-ەكونوميكالىق ميسسياسىن ق ر ينۆەستيسيالار جانە دامۋ مينيسترلىگى، «اتامەكەن» ۇلتتىق كاسىپكەرلەر پالاتاسى، قازاقستاننىڭ سىرتقى ساۋدا پالاتاسى جانە قىتايدىڭ حالىقارالىق ساۋدانى دامىتۋعا جاردەمدەسۋ كوميتەتى ۇيىمداستىردى.
ءىس-شارا بارىسىندا ەكى ەلدىڭ بيزنەس-قاۋىمداستىقتارى ينۆەستيسيا، لوگيستيكا جانە ساۋدا سالالارىنداعى ەكىجاقتى ىنتىماقتاستىقتىڭ كەلەشەگى زور ماسەلەلەرىن تالقىلادى.
