گارۆارد جانە نيۋ-يوركتەن كەلگەن ەرىكتىلەر قاراعاندىلىق بالالارعا اعىلشىن ءتىلىن ۇيرەتەدى. بۇل «نۇر وتان» پارتياسىنىڭ باستاماسىمەن قۇرىلعان «English for Jastar» جوباسىنا سايكەس جۇزەگە اسپاق. بۇگىندە جوبا ەلىمىزدىڭ ءار ايماعىندا اسا تانىمالدىلىققا يە بولدى.

بالالارعا اعىلشىن ءتىلىن ۇيرەتىپ جۇرگەن گارۆاردتان كەلگەن ەرىكتى كەننەت پالمەر مەن نيۋ-يوركتەن كەلگەن ميريام گرينفيلد قازاقستاندىقتاردىڭ بىلىمگە دەگەن قۇشتارلىعى جوعارى ەكەندىگىن ايتادى. قازىرگى تاڭدا ماماندار وسكاروۆ جانە نۇرا اۋداندارىنىڭ جاستارىنا اەىلشىن ءتىلىن ۇيرەتۋدە. جالپى وبلىس بويىنشا جوباعا بارلىعى 12 ەرىكتى اتسالىستى.

قىركۇيەكتە «نۇر وتان» پارتياسىنىڭ بالالاردىڭ ءبىلىم دەڭگەيىن ەرەكشە دەن قويعانى ءارى وسى ورايدا ارنايى جوبانىڭ ىسكە قوسىلاتىنى تۋراسىندا حابارلانعان. بۇگىندە 84 اۋىلدىق ايماقتار مەن قازاقستاننىڭ اۋدان ورتالىقتارىندا «English for Jastar» جوباسىنىڭ شەڭبەرىندە 9-11 سىنىپ وقۋشىلارى اعىلشىن ءتىلىن تەگىن ۇيرەنە الادى. جوبا مەملەكەت باسشىسىنىڭ ۇشتلىدىلىكتى ەنگىزۋ جونىندەگى تاپسىرماسىن قولداۋ ماقساتىندا دايىندالدى. جوبا اياسىندا وقۋشىلار اعىلشىن تىلىندە ەركىن سويلەپ، قارىم-قاتىناس ماشىعى دا داميتىن بولادى.

«English for Jastar» 2018 جىلدىڭ قىركۇيەگىنەن قاراشاسىنا دەيىن جالعاسادى. پيلوتتىق رەجيمدە وتكىزىلەدى.

♦«English for Jastar» - «نۇر وتاننىڭ» جاڭا جوباسى باستاۋ الدى

وقۋشىلارعا ءتىلدى ىرىكتەلگەن وتاندىق ماماندار وتكىزەتىن بولادى. ولاردى ىرىكتەيتىن «جاس وتان» جاستار قاناتى. ەلىمىزدە ۇشتىلدىلىكتى دامىتۋعا نيەت بىلدىرگەندەردىڭ سانى كۇن ساناپ ارتىپ كەلەدى. بۇگىندە 141-گە جەتىپ قالدى. ولاردىڭ 75ء-ى قازاقستاندا جوعارى ءبىلىم الىپ جاتقان ستۋدەنتتەر.

سونداي ستۋدەنتتەردىڭ ءبىرى اباي مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ 4 كۋرس ستۋدەنتى ميراس وزبەكوۆ. ول ەندى ءوزىنىڭ «زەلەنىي بور» اۋىلىندا ۇستاز بولۋ مۇمكىندىگەن يە بولدى.

ماقساتى – اۋىلىنداعى بالالاردىڭ ءبىلىمدى بولىپ وسۋىنە ۇلەس قوسۋ.

«اۋىلداعى بالالارعا اعىلشىن ءتىلىن ۇيرەتە وتىرىپ، مەن ءوزىمنىڭ ءبىلىم دەڭگەيىمدى ارتتىرامىن دەپ ۇمىتتەنەمىن. بۇل جوبا مەن ءۇشىن تاپتىرماس تاجىريبە بولايىن دەپ تۇر»، - دەدى ميراس.

پارتيا حاتشىسى تامارا دۇيسەنوۆانىڭ ايتۋىنشا، مۇنداي فاكۋلتاتيۆتەرلە وقۋشىلار مەكتەپكە قاراعاندا اناعۇرلىم تەرەڭىرەك ءبىلىم الاتىن بولادى. ءارى تاياۋدا شەت ەلدەن كەلەتىن ەرىكتىلەردىڭ دە جوباعا ارالاساتىنىن ايتىپ كەتكەن.

ەندى، مىنە، جوبا ءوز اعىمىمەن ءجۇرىپ جاتىر. شەتەلدىك ەرىكتىلەر كەلىپ، قازاقستاندىق وقۋشىلاردىڭ اعىلشىن ءتىلىن جاتتىقتىرۋعا اتسالىسۋدا.

جوبا اياسىندا بارلىق اۋداندارعا قاجەتتى وقۋ قۇرالدارى جەتكىزىلدى. Elementery، Pre-Intermediete. Student`s book، Workbook سىندى وقۋ قۇرالدارىمەن قاتار، اعىلشىن تىلىندەگى فيلمدەردىڭ ديسكىلەرى دە بار.

«جاس وتان» جاستار قاناتى مەن «بولاشاق» قاۋىمداستىعى جوبانىڭ ۇيىمداستىرۋشىلارى بولدى. جوباعا اكادەميالىق كومەكتى «InterPress» ءتىل ورتالىعى كورسەتتى. ولاردىڭ Oxford University Press (انگليا) باسپاسىنىڭ «Solutions» وقۋلىعى بويىنشا، وقىتۋشىلار قوسىمشا ءتىل سىندىرادى. سونداي-اق، «AIESEC» حالىقارالىق ۇيىمى، «ءبىلىم بەرۋ ليدەرلىگىنىڭ ورتالىعى» ج ش س، «نازاربايەۆ ۋنيۆەرسيتەتى» اق، «Qazaq Air» اۋەكومپانياسى اق، «مەلومان HOME VIDEO» ج ش س، ءال-فارابي اتىنداعى قازۇۋ، «4KZTours» ق ر ىشكى ءتۋريزمدى دامىتۋ جونىندەگى امەريكاندىق كومپانياسى جوباعا ارىپتەستىك تانىتتى.