بيىل «التىن قالام 2018» ادەبي بايقاۋى جەتىنشى رەت ۇيىمداستىرىلدى. الماتى قالاسىندا ەلىمىزگە جانە شەتەلگە كەڭىنەن تانىلعان ARTيشوك تەاترىندا 2018 جىلدىڭ قورىتىندىسى شىعارىلىپ، «التىن قالام 2018» ادەبي جۇلدەسىنىڭ جەڭىمپازداردى ماراپاتتاۋ كەشى ءوتتى.
بيىل ادەبي كونكۋرستى ۇيىمداستىرۋ كوميتەتىنىڭ جانە قازىلار القاسى قۇرامىنا دوسىم ساتپايەۆ، ايدوس سارىم، ارمان شورايەۆ، نۇرجان مۇحامەدجانوۆا، راسۋل جۇمالى، كەنجە جۇمان ۇلى، قۋات دومباي، بەكنۋر قيسىقوۆ، بايعالي ەسەنالييەۆ، دىلداگۇل نۇرماحانبەت، تاتيانا فيليپچيك جانە باسقالار ەندى.
«التىن قالام 2018» ادەبي بايقاۋىندا قازاقتان شىققان العاشقى مەسەناتتاردىڭ ءبىرى ەسەنقۇل مامانوۆ اتىنداعى سىيلىق «قازاقتىڭ ۇزدىك رومانىنا بەرىلدى». باس جۇلدە 1 ميلليون تەڭگەنى اقىن، جازۋشى، جۋرناليست ايدىن كالىمحانعا بۇيىردى. ال بالالار جازۋشىلارىنا ارنالعان «دارابوز» بايقاۋىنىڭ باس جۇلدەسىن جانە 1 ميلليون تەڭگەنى پروزالىق جانە سىن-زەرتتەۋ كىتاپتارىنىڭ اۆتورى، فيلولوگيا عىلىمدارىنىڭ دوكتورى، حالىقارالىق شىڭعىس ايتماتوۆ اكادەمياسىنىڭ اكادەميگى بەكەن ىبىرايىم جەڭىپ الدى.
ايتا كەتەتىن جايت، قازاق ادەبيەتىنىڭ جاناشىرى، تانىمال مەسەنات ولجاس قۇدايبەرگەنوۆ بيىل «التىن قالام» بايقاۋىندا فانتاستيكا جانرىندا جازىلعان ۇزدىك شىعارماعا ءوز اتىنان 1 ميلليون تەڭگە سىياقى دايىنداعان. اتالمىش جۇلدەگە بەلگىلى قالامگەر، «ايقىن» گازەتىنىڭ باس رەداكتورى نۇرتورە ءجۇسىپ يە بولدى.
جىلداعى ءداستۇر بويىنشا «التىن قالام 2018» بايقاۋىنا جۇمىستار ناۋرىز ايىنان باستاپ قىركۇيەك ايىنىڭ ورتاسىنا دەيىن قابىلدانعان بولاتىن، وقىرماندار عالامتور ارقىلى وزدەرىنە ۇناعان، ۇزدىك دەپ تاپقان شىعارمالارعا قازان ايىنىڭ اياعىنا دەيىن داۋىس بەرىپ، ءار نوميناسيا بويىنشا ءۇش ۇمىتكەردى انىقتاعان. سايىسقا تۇسكەن بارلىق شىعارما www.akalam.kz رەسمي سايتىندا جاريالانعان. وقىرمانداردىڭ قولداۋى جانە قازىلاردىڭ تاڭداۋى بويىنشا ءار اتالىم بويىنشا جەڭىمپازدار انىقتالىپ، سىي-سىياپاتتارعا يە بولدى.
«التىن قالام 2018» ادەبي بايقاۋىنىڭ جۇلدەگەرلەرى تومەندەگىدەي بولدى:
«جىلدىڭ ۇزدىك پروزاسى» - ەسبولات ايدابوسىن
«جىلدىڭ ۇزدىك كينوسەنارييى جانە دراماتۋرگياسى» - دۇيسەن كەڭەس
«جىلدىڭ ۇزدىك بالالار جانە جاسوسپىرىمدەر ادەبيەتى «دارابوز» - بەكەن ىبىرايىم
«جىلدىڭ ۇزدىك ساتيراسى» - قاناعات ءابىلقايىر
«جىلدىڭ ۇزدىك فانتاستيكاسى جانە دەتەكتيۆى» - نۇرتورە ءجۇسىپ
«قازاقتىڭ ۇزدىك رومانى» - ايدىن كالىمحان
«قازاق ادەبيەتىنە قوسقان ەلەۋلى ەڭبەگى ءۇشىن» - دۋلات يسابەكوۆ
«جىلدىڭ ۇزدىك پوەزياسى» ورىسشا – كالماگامبەتوۆا لاريسا
«جىلدىڭ ۇزدىك پروزاسى» ورىسشا – ۆالۋيسكيح دينا
«جىلدىڭ ۇزدىك بالالار جانە جاسوسپىرىمدەر ادەبيەتى» ورىسشا – ايزاكوۆا جانارگۋل
«ەسەنجول دومباي اتىنداعى ارنايى سىيلىق، جىلدىڭ ۇزدىك ساتيراسى» ورىسشا – تەپلۋحين اركاديي
«جىلدىڭ ۇزدىك فانتاستيكاسى مەن دەتەكتيۆى» ورىسشا – بىچكوۆ نيكولاي
«جىلدىڭ ۇزدىك كينوسەنارييى مەن دراماتۋرگياسى» ورىسشا – كولچەنكو لاريسا
