دەسانتتى-شابۋىلشى اسكەرگە شىعىس قازاقستان وبلىسى، استانا مەن قوستاناي قالالارىنان اسكەرگە شاقىرىلۋشىلار كەلدى.

دەسانتتى-شابۋىلداۋشى اسكەرىنە جاڭادان شاقىرىلۋشىلار كەلۋدە. 61993 اسكەري ءبولىمىنىڭ دەسانتشىلار قاتارىن 130 اسكەرگە شاقىرىلۋشىلار تولىقتىرماق. ولار شىعىس قازاقستان جانە استانا، قوستاناي قالالارىنان كەلگەن. ولارعا ەڭ ۇناعانى سولتۇستىك قالالارمەن سالىستىرعاندا الماتى جىلى قالا ەكەنىن قۋانا ايتتى. الماتى جىلى اۋا-رايىمەن ۇارسى السا اسكەر دە جاقسى بولادى دەپ ازىلدەدى اسكەرگە شاقىرىلۋشىلار.

ءبىرىنشى كۇنى جاس ساربازدار جاڭا جاعدايعا ۇيرەنۋگە بەيىمدەلەدى. اسكەري پسيحولوگتار ولارمەن پسيحولوگيالىق تەستتەر مەن جەكە اڭگىمەلەسۋلەر جۇرگىزىپ، جەكە قۇراممەن جۇمىس جونىندەگى بولىمشە كومانديرلەرىنە تاپسىرادى. ساربازدى زەردەلەۋ كەزىندە باستى نازار ءبىلىم دەڭگەيىنە، ماماندىعىنىڭ بار بولۋىنا، ىسكەرلىك جانە سيپاتتامالىق قاسيەتەرىنە اۋدارىلادى.
جاس ساربازداردى بولىمشە بويىنشا ءبولۋ كەزىندە قايتا تەرەڭدەتىلگەن مەديسينالىق كوميسسيادان وتكىزىلەدى.

اعىمداعى ءبىر اي ىشىندە بولاشاق دەسانتشىلار جالپىعا بىردەي وقۋ جانە مەملەكەتتىك-قۇقىقتىق دايىندىق، جارعىلاردىزەردەلەۋ كۋرستارىنان ءوتىپ، كۇن ءتارتىبى مەن ءبىلىمىن جەتىلدىرىپ، قىزمەتكە ءتۇسۋ داعدىلارىن، اتۋ دايىندىق امالدارىن، اسكەري تەحنيكالار مەن اتۋ قارۋىن مەڭگەرەدى.
سونىمەن قاتار اتۋ، تاكتيكالىق دايىندىقتارى بويىنشا نورماتيۆتەردى ورىنداۋ جولدارىن ءىس جۇزىندە مەڭگەرەدى، - دەدى 61993 اسكەري ءبولىمى كومانديرىنىڭ تاربيە جانە يدەولوگيالىق جونىندەگى ورىنباسارى ارىنعالي اكيشيەۆ.

بىرنەشە كۇن بۇرىن 16194، 58012 اسكەري بولىمدەرىنە 60 ادام تولىقتىرىلدى. قازاقستاننىڭ ءارتۇرلى وڭىرلەرىنەن 2000-عا جۋىق دەسانتشى-شابۋىلداۋشى اسكەرىنە كەلدى. اسكەري انتتى سالتاناتتى قابىلداۋ قازاقستان رەسپۋبليكاسى پرەزيدەنت كۇنىنە وراي قاراشا ايىنىڭ سوڭىندا وتكىزۋ جوسپارلانۋدا.