وسكەمەندەگى مىنا مەشىت حاليفا التاي اتامىزدىڭ اتىندا ەكەن. وسىنداي ءزاۋلىم عيماراتتىڭ ءدال سول كىسىنىڭ ەسىمىمەن اتالعانى قۋانتتى. ويتكەنى ول كىسىنىڭ قۇراندى العاش بولىپ قازاقشاعا اۋدارعانى ءوز الدىنا عالامات ەڭبەك بولسا، تاۋەلسىزدىك العاننان كەيىن ەلگە ورالۋى ءتىپتى ەرەكشە حيكايا.
حاليفا اتامىز سوناۋ 1991 جىلى تۇركيا كوشەلەرىنىڭ بىرىندە كەلە جاتىپ قازاقستاننىڭ تاۋەلسىزدىك العانىن راديودان ەستىپتى. ەستي سالا كوزىنە جاس الىپ، تۇرعان جەرىندە شۇكىر ساجدەسىن جاساپتى. سوسىن ۇيىنە كەلىپ كەمپىرىنە: "بىزگە مۇندا ەندى قالۋدىڭ قاجەتى جوق. ەلىمىز تاۋەلسىزدىك الىپتى، وتانىمىزعا قايتايىق" دەپ ءبىر-اق ساتتە جينالىپ، قازاقستانعا العاشقىلاردىڭ ءبىرى بوپ كوشىپ كەلگەن دەسەدى. نە دەگەن جۇرەك ؟ ەلىنىڭ ۇستىندەگى نە دەگەن نيەت! ەلگە كەلە سالا دىنگە قىزمەت ەتۋگە كىرىسكەن اتامىز مۇنداي ءزاۋلىم مەشىتتىڭ اتىن يەلەنۋگە ابدەن لايىق.
وسكەمەننىڭ ماعان تاعى ءبىر ۇناعان جەرى ساياباعى بولدى. ىشىندە ءتۇرلى ۇلتتاردىڭ ۇيلەرى سالىنعان ەتنواۋىل بار. كول دە، جاعاجاي دا، ورمان دا، مۋزەي دە ءبىر پاركتىڭ ىشىنەن تابىلادى. ادەمى ەندى! ال سىزدەرگە وسكەمەن قالاسى نەسىمەن ۇنايدى؟
مارفۋعا شاپيان ينستاگرام پاراقشاسىنان
