قازاقستاندا قازاق ءتىلىنىڭ مەرەيىن ۇستەم ەتىپ ونىڭ قولدانىس اياسىن كەڭەيتۋ ماقساتىندا قازاقستان بويىنشا جارنامادا قازاق تىلىندە جازىلعان ماتىندەردە گرامماتيكالىق قاتە كەتپەۋىن قاداعالاۋ قولعا الىندى. ەڭ ءبىرىنشى بولىپ ەلوردامىز استانا قالاسىندا تۇسىندىرمە جۇمىستارى جۇرگىزىلىپ جاتىر، دەپ جازادى Qamshy.kz اقپارات اگەنتتىگى. 

وكىنىشكە قاراي، جارناماداعى مەملەكەتتىك تىلدە جازىلعان ماتىندەردەگى گرامماتيكالىق، ستيليستيكالىق قاتەلەردى ءجيى بايقايمىز. ورەسكەل قاتەلەردى جىبەرگەن كومپانياعا ەشقانداي جازالاۋ شارالارى جۇرگىزىلمەيدى.

ماركەتولوگتاردىڭ ايتۋىنشا، كەيبىر كومپانيالار جارنامادا ادەيى قاتە جىبەرىپ، ونىڭ اينالاسىنداعى شۋدىڭ ارقاسىندا كومپانيا اتىن شىعارادى دەسەدى. ەندى قازاق تىلىندەگى ماتىندەردە جىبەرىلەتىن ورەسكەل قاتەلەر قاتاڭ باقىلاۋدى بولادى.

قازاقستان بويىنشا اكسيا باستاۋ الدى. اكسيا اياسىندا «قازاقستان رەسپۋبليكاسىنداعى ءتىل تۋرالى» زاڭىندا كورسەتىلگەن نورمالاردىڭ ساقتالۋى قاتاڭ باقىلانادى. ول ءۇشىن كاسىپكەرلەر اراسىندا تۇسىندىرمە جۇمىستارى جۇرگىزىلىپ جاتىر. وندا ءتىل تۋرالى زاڭ مەن قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى № 121 قاۋلىسىنىڭ 7-تارماعىندا كورسەتىلگەن «ەلدى مەكەندەردە سىرتقى (كورنەكى) جارناما وبەكتىلەرىن ورنالاستىرۋ ەرەجەسىن بەكىتۋ تۋرالى» ادىستەمەلىك ءتۇسىندىرۋ جۇمىستارى مەن وعان قاتىستى تۋىنداعان ساۋالدارعا جاۋاپ بەرىلەدى.

قازاقستان رەسپۋبليكاسىنىڭ «ءتىل تۋرالى» زاڭىنىڭ 21ء-شى بابىنا سايكەس بلانكى، جارناما، حابارلاندىرۋلار، ماڭدايشالار، پرەيسكۋرانتتار جانە ت.ب اقپارات مەملەكەتتىك تىلدە، ياعني قازاق تىلىندە جازىلادى. قاجەت بولعان جاعداي دا شەت تىلدەرىندە شىعادى.

كورنەكى مالىمەتتىڭ بارلىعى دەرلىك بەرىلۋ ەرەجەسىنە توقتالايىق، ياعني ءماتىن ەڭ الدىمەن قازاق تىلىندە جازىلادى دا، ءماتىن جارنامانىڭ سول جاق نەمەسە جوعارى تۇسىنا ورنالاستىرىلادى. ال ورىس تىلىندەگى ءماتىن تومەنگى جاققا نەمەسە جارنامانىڭ تومەنگى تۇسىنا ورنالاستىرىلادى. ارىپتەر بىردەي كولەمدە بەرىلەدى. ارىپتەردىڭ ولشەمى بەرىلگەن تالاپقا ساي بولۋى ءتيىس.

اكسيانى ۇيىمداستىرۋشىلار استانا قالاسى تۇرعىندارى مەن قوناقتارىن قالاداعى جارنامالاردا كەتكەن قاتەلەردى بايقاعان جاعدايدا نەمقۇرايلىق تانىتپاي، قاتەنى تۇزەۋدى تالاپ ەتىپ، جارمانى بەرگەن كومپانياعا حابارلاسۋدى سۇرايدى. قازاقستان رەسپۋبليكاسىنىڭ ءتىل تۋرالى زاڭىنا سايكەس تالاپتاردى ورىندالۋىن تالاپ ەتۋگە شاقىرادى. قاتەنى بايقاعان جاعدايدا ونى فوتوعا ءتۇسىرىپ ءتىل باسقارماسىنىڭ Facebook الەۋمەتتىك جەلىسىنە جىبەرۋگە بولادى نەمەسە 8 (7172) 55 67 29، 55 67 02، 8 778 52 37 907 نومىرلەرىنە حابارلاسىڭىزدار.