ەدىلدىڭ سۋىن وڭدەپ بەرەتىن ستانسيانىڭ قۇرىلىسى 4 جىل جۇرگىزىلگەن، ءقازىر تەستىلىك رەجيمدە جۇمىس جاساپ تۇر. تاۋلىگىنە 30 مىڭ تەكشە مەتر سۋدى تازارتادى دەپ حابارلايدى qamshy.kz ماڭعىستاۋ وبلىسى اكىمدىگىنىڭ باسپا ءسوز قىزمەتىنە سىلتەمە جاساپ. "اۋىز سۋ ماسەلەسى كوپ جىلدار بويى شەشىلمەي كەلىپ ەدى. جاڭا ستانسيا شاھار تۇرعىندارىن ساپالى سۋمەن قامتيتىن بولادى. جاڭاوزەن قالاسىنىڭ 2012-2020 جج. ارنالعان الەۋمەتتىك-ەكونوميكالىق دامۋ جوسپارىنا سايكەس، 7000 جەكە تۇرعىن ءۇيدى سۋمەن قامتۋ قاراستىرىلعان بولاتىن. جاڭادان ىسكە قوسىلىپ جاتقان ستانسيا 150 مىڭ ادامدى سۋمەن قامتىپ، ءۇش تاۋلىككە جەتەتىن سۋ قورىن ساقتايدى"، - دەدى نىسان جۇمىسىمەن تانىسقان وبلىس اكىمى ە.توعجانوۆ. سونداي-اق، ايماق باسشىسى "تاۋەلسىزدىك" الاڭىنداعى جاڭا سۋ بۇرقاقتىڭ اشىلۋىنا دا قاتىستى. جەرگىلىكتى كاسىپكەر جاڭاوزەن قالاسىنىڭ 50 جىلدىعىنا وراي، تۇرعىندارعا ءتۇرلى ءتۇستى كەيىپكە ەنىپ، بيلەپ تۇراتىن سۋ بۇرقاقتى سىيعا تارتقان. قۇرىلىسى 4 ايعا سوزىلعان سۋبۇرقاق ەندى شاھاردىڭ ءسانىن كەلتىرىپ، تۇرعىنداردىڭ ەڭ كوپ جينالاتىن دەمالىس ورتالىعىنا اينالارى ءسوزسىز.