سالاۋاتتى ءومىر سالتىن ناسيحاتتاعان «دەنساۋلىق فەستيۆالى» 15 شاعىناۋدانداعى تەڭىز جاعالاۋىندا ءوتتى. سەنبىنىڭ تاڭىندا جاعالاۋدا جاتتىعۋ جاساۋعا 250 تۇرعىن جينالدى. اقتاۋ قالالىق اكىمدىگى باسپا ءسوز قىزمەتىنىڭ مالىمەتىنشە، ولارعا فيتنەس جاتتىقتىرۋشىلار دەنە شىنىقتىرۋعا ارنالعان باعدارلاما ازىرلەگەن. سول بويىنشا جينالعان قاۋىم كاسىپقوي سپورتشىلاردىڭ جەتەكشىلىگىمەن كەشەندى جاتتىعۋ ورىندادى.
سەرگىتۋ جاتتىعۋىمەن باستالعان فەستيۆال اياسىندا مەيسينالىق قالاشىق ۇيىمداستىرىلدى. وندا كارديولوگ، ونكولوگ، پسيحولوگ، تەراپيەۆت جانە دۇرىس تاماقتانۋ سالاسى ماماندارى بولدى. فەستيۆال قاتىسۋشىلارى مامانداردان تەگىن كەڭەس الىپ، مەديسينالىق تەكسەرىستەن ءوتتى.
